Çempionlar Liqasının "Malmö" ilə oyununda dubl edən Kriştino Ronaldo bir neçə rekorda imza atıb.

Çempionlar Liqasının "Malmö" ilə oyununda dubl edən Kriştino Ronaldo bir neçə rekorda imza atıb.

Portuqaliyalı ulduz "Real"ın tarixinə düşüb.

Belə ki, o, "Kral Klubu"nun tarixi ərzində Çempionlar Liqasında ən çox qol vuran oyunçu olub. Ronaldo bu turnirdə "Real" forması ilə keçirdiyi 65 oyunda 67 dəfə fərqlənib.

Bundan əvvəl rekord "Real"ın əfsanəsi Raul Qonzalesə məxsus idi. O, Madrid klubu ilə Çempionlar Liqasında keçirdiyi 130 oyunda 66 dəfə fərqlənib. Ronaldo "Malmö"nun qapısına vurduğu ilk qolla Raula çatıb, ikinci dəfə fərqlənməklə isə onu geridə qoyub.

"Real"ın əfsanəsi Raul Qonzales

Portuqaliyalı ulduz dünən axşam həm də karyerasının 500-cü qolunu vurub. "Malmö"nün qapısından keçirdiyi ilk qol bu baxımdan önəli olub. Ronaldo indiyədək "Real"ın heyətində 323 dəfə fərqlənib. O, "Mançester Yunayted"də 118, "Sportinq"də 5, Portuqaliya millisində isə 55 qola imza atıb. Kriştiano bu uğura 753 rəsmi oyunda imza atıb. Ronaldo həm də Çempionlar Liqasında dubl sayına görə də rekordu ələ keçirib. O, ötən axşam bu turnirdəki 22-ci dublunu rəsmiləşdirib. Bununda Kriştiano "Barselona"nın ulduzu Lionel Messini geridə qoyub.


Kriştino Ronaldo

Ronaldo Çempionlar Liqasında 82 qol vurub. O, turnirin ən çox qol vuran futbolçusudu. "Real"ın ulduzu ikinci pillədəki Messini 5 qol geridə qoyub. 82 qoldan 67-sini "Real" forması ilə vuran portuqaliyalı "Mançester Yunayted"lə 15 dəfə fərqlənib.