Səudiyyənin rəhbərliyi ilə yaradılan koalisiyanın Yəmənə qarşı etdiyi hərbi təcavüz nəticəsində 20 min insan həlak olub və yaralanıb.

Deyerler.org-un Yaxın Şərq KİV-lərinə istinadən verdiyi xəbərə görə, Yəmənin Səhiyyə Nazirliyindən bildiriblər ki, Səudiyyənin Yəmənə qarşı həyata keçirdiyi hərbi təcavüz nəticəsində həlak olan və yaralananların əksəriyyəti dinc insanlardır. Həlak olan və yaralananlar arasında qadın və uşaqlar çoxluq təşkil edir. Bununla yanaşı, Səhiyyə Nazirliyindən həmçinin qeyd ediblər ki, xeyli sayda insan dərman preparatlarının çatışmazlığına görə, faciəvi şəkildə həlak olublar. Yayılan bəyanatda vurğulanır ki, beynəlxalq ictimaiyyət Səudiyyənin törətdiyi cinayətlərə göz yumur.