“Yaxşı işləyir”

Kiyevin meri Vitali Kliçko avqustun 30-da Ukrayna paytaxtının mərkəzində Poçtovaya meydanında olub və şəhər sakinlərini yeni piyada istirahət ərazisinin açılışı ilə təbrik edib.

Azerinfo.az xəbər verir ki, bu barədə şəhər rəhbərinin saytında bildirilib.

Kliçko bəyan edib ki, yaxın günlərdə piyada zonasında kafe və bütün infrastruktur obyektləri işə düşəcək.

“Burada gözəl atmosfer və sərinləşdirici fəvvarə var”, - o deyib.

Kiyevlilər ilə bərabər şəhər rəhbəri yer suyunun vurulduğu yerüstü fəvvarədə gəzib.

“Yaxşı işləyir”, - islanmış mer bildirib.

Onun sözlərinə görə, istirahət zonası 2016-cı ilin yazında tam hazır olacaq, həmin zaman qədim Kiyev muzey mərkəzi işə düşəcək, bura gələnlər XI əsr qazıntılarına aid artefaktlara tamaşa edə biləcəklər.