“ABŞ öz qüvvəsinin istənilən elementini istifadə etməyə hazırdır”

ABŞ Yaxın Şərqdə əsas maraqlara sahibdir, İran isə özü ilə qonşu olan ölkələrdə vəziyyətin sabitliyini pozmaq ilə məşğuldur, Amerika prezidenti Barak Obama bildirib, Azerinfo.az RİA Novosti-yə istinadən xəbər verir.

“Mən iki il öncə BMT-də dediyim kimi, ABŞ Yaxın Şərqdə, xarici aqressiyaya cavab, enerjinin azad axınına zəmanət təqdimatı, beynəlxalq sularda o cümlədən də Hörmüz və Bab-əl Məndəb körfəzlərində azad naviqasiya da daxil olmaqla əsas maraqlara sahibdir”, - Obama “Əş-Şark Əl-Ausat” qəzetinə müsahibəsində bildirib.

Bununla yanaşı Obama əlavə edib ki, Vaşinqtonun maraqlarına amerikalılar üçün təhlükə yaradan terror şəbəkələrinin məhv edilməsi, eləcə də regionda kütləvi tələfat silahının hazırlanmamasına yol verməmək daxildir.

“Mən ABŞ-ın öz maraqlarını qorumaq üçün öz qüvvəsinin istənilən elementini istifadə etməyə hazır olduğunu aşkar bildirdim”, - o vurğulayıb.

Qəzetin, İranın Suriya və Yəməndə vəziyyətin inkişafında roluna dair bir narahatçılığın mövcud olması barədə suala cavab verərkən Obama bəyan edib:

“İran çoxdan regionun bir sıra ölkələrində təhlükəli və sabitliyi pozan addımlar atır. İran terrorizmin sponsorudur... Ona görə də region ölkələri İranın hərəkətlərindən, xüsusilə də onun digər millətlərin sərhədlərində “marionetkaların” dəstəkləməsindən narahat olmaqda haqlıdırlar”.