Amerikanın "New York Times" qəzeti sülh və razılaşma çağırışı edən reklamı senzuradan buraxmayıb.

Avropa.info xəbər verir ki, ABŞ-da 150-yə yaxın təşkilatı bir arada toplayan Yönləndirmə Komitəsi tərəfindən hazırlanan elan "Amerikalı Türklər və Türkiyənin dostlarından Prezident Obama və Konqres üzvlərinə sülh mesajı" adı altında hazırlanıb.

İki cəmiyyət arasında razılığın əldə olunmasına yönəlmiş mətnin sonunda da "Bölməyin. Birləşdirin" şüarı səsləndirilib.

Ermənilər də daxil olmaqla yüz il əvvəl baş vermiş hadisələrdə zərər çəkən tərəflər üçün duyulan kədərin paylaşıldığı və hadisələrin araşdırılması nəticəsində əldə olunan qəti sənəd olmadığı vurğulanan elanda cümə günü Vaşinqtonda "sülh və həmrəylik yürüşü" keçiriləcəyi bildirilirdi.

Elanın yayımlanmaması ilə bağlı "New York Times"-dan Anadolu agentliyinə verilən açıqlamada 11 sentyabr hücumları, holokost, ABŞ-dakı köləlik siyasəti, erməni soyqırımı, İrlandiyadakı aclıq kimi tarixi həqiqətləri rədd edən və ya əhəmiyyətsiz kimi göstərən reklamların yayımlanmadığını bildirilir.

Qəzetin reklam şöbəsinin əməkdaşı Mişel Hayden elanı yerləşdirmək istədiklərini, amma hüquq şöbəsindən onlara reklamın mətninin qəzet redaktorlarının son beş ildə yazdıqlarına zidd olduğu haqda xəbərdarlıq edildiyini bildirib.
Türk Amerikan Milli Yönləndirmə Komitəsinin həmsədri İbrahim Uyar öz açıqlamasında ABŞ mətbuatının azad olduğunu düşündüklərini, amma təəssüflər olsun ki, bunun belə olmadığının canlı şahidi olduqlarını bildirib.

Sözügedən elan daha sonra "Washington Post" qəzetində nəşr olunub. Vaşinqtonda küçələrində isə 110 avtobusda 30 gün ərzində nümayiş olunacaq. Elan həmçinin 30 metro stansiyasında da nümayiş olunacaq.