İŞİD lideri Əbu Bəkr əl-Bağdadi yuxusunda Məhəmməd peyğəmbəri (s.a.s) gördüyünü və onunla görüş zamanı bəzi təlimatlar aldığını bildirib.

azerinfo.az Avropa.info-ya istinadən xəbər verir ki, bu barədə məlumat Kürdüstan Demokratik Partiyasının internet saytında yerləşdirilib.

Saytın iddiasına görə İŞİD lideri Məhəmməd peyğəmbərin (s.a.s) onun yuxusuna girərək Mosulu tərk etmələri barədə ona təlimat verib.

Xəbərdə həmçinin məhz elə buna görə də İŞİD-in Mosuldan qarşıdurmasız çıxa biləcəyi bildirilir.
Hal-hazırda İraqın Tikrit şəhərində İraq ordusu və şiə könüllüləri ilə İŞİD silahlıları arasında qanlı döyüşlər davam edir.

İraq hərbçiləri İŞİD-in yavaş-yavaş Tikriti tərk etdiyini bildirərək onların əl-Bağdadinin əmrinə uyğun olaraq şəhəri boşaltdığını güman edirlər.

Xatırladaq ki, İraq ordusu və digər silahlı qruplaşmalar mart ayının 3-dən etibarən İŞİD-i Tikritdən çıxarmaq üçün əməliyyatlara başlamışdılar.