Bildiyimiz kimi, fevralın ikisi Qaçqın və Məcburi Köçkünlərlə iş üzrə Dövlət Komitəsinin sədri, Baş Nazirin müavini Əli Həsənov Ağdam rayonunun Quzanlı qəsəbəsində yerləşən Mədəniyyət Evində rayon sakinləri ilə qəbul keçiriləcək

Cənab Həsənovun Ağdam rayonuna gəlməsi əslində hakimiyyətin ağdamlıların problemləri ilə maraqlandığı, Cənab Prezident İlham Əliyevin Ağdam camaatına qarşı biganə qalmadığının əyani sübutudur. Ancaq bütün bunlarla yanaşı, həmin qəbulda iştirak edəcək şəxslərin rayon rəhbərliyi tərəfindən müəyyənləşməsi, heç də həqiqi problemi olan vətəndaşların iştirakının təmin edilməməsi ciddi etirazla qarşılanmaqdadır. Bu dəqiqələrdə rayondan aldığımız məlumata görə, əgər həmin görüşə gələn problemi olan vətəndaşlar buraxılmayacağı təqdirdə nəticəsi çox ciddi fəsadlara yol açacağını iddia edən mənbə hətta rayonda böyük qarşıdurmaların, etiraz aksiyalarının keçirilməsinə səbəb ola bilər. Çünki illərdir üzləşdikləri bir çox sosial problemləri ilə bağlı icra hakimiyyətinin yerində olmayan başçısına edilən müraciətlər nəticəsiz qalır və bu barədə qəbulda iştirak edəcək rəsmi şəxslərə Raqub Məmmədovun əməllərindən şikayət ediləcəyi ehtimalı böyük olması səbəbindən keçmiş MTN polkovniki "proflaktik"tədbirlərə əl ataraq qəbula düşəcək şəxsləri şəxsən özü müəyyənləşdirmişdir. Bütün bunlar isə həmin qəbulun formal xarakter alacağı və nəticədə onsuz da illərdir, cəbhə bölgəsinə yaşamalarına baxmayaraq məmurların biganə münasibəti və süründürməçiliyi səbəbindən əsəbləri tarıma çəkilmiş ağdamlıların istəmədikləribir üsula-etiraz aksiyalarına başlamalarına əsas vermiş olar. Yəni, Ağdam cammatı belə bir hadisələr yaşanarsa, bunun əsas səbəbkarı kimi RİH başçısını görürlər. Çünki onlar erməni silahlı birləşmələri ilə cəmisi 1-2 kilometrlikdə yaşasalar da öz vətənlərinə bağlılıqları və ölkə rəhbərliyinə olan inamları həmin soydaşlarımızı heç nədən çəkindirmir. Ancaq bununla yanaşı, rayon rəhbərliyinin yalnız öz şəxsi maraqlarını düşünərək ona etimad göstərilərək görəvləndirilmiş vəzifəsində işləməsi və xalqı düşünməməsi bu camaatın öz haqqını tələb etməsi üçün hansısa bir aksiyaya qoşulmasına sövq edir. Sabah Ağdamda nələrinsə yaşanması, hansısa xoşagəlməz bir olayın baş verməsinin həm mənəvi, həm də hüquqi məsuliyyəti təbii olaraq rayon rəhbərliyinin üzərində qalmalıdır. Bunu Ağdam camaatı elə bu cür də bəyan etməkdədir. Hilal YURDSEVƏR