İsmayıllı rayonu İstisu kənd sakini Böyük Vətən müharibəsi veteranı Yeni Azərbaycan Partiyasının üzvü 2-ci dərəcəli əlil Əmirov Sədrəddin Seyfəddin oğlu tərəfindən

MÜRACİƏT

Mən Böyük Vətən müharibəsi veteranı Əmirov Sədrəddin Seyfəddin oğlu mətbuat vasitəsi ilə Azərbaycan Respublikasının Prezidenti cənab İlham Əliyevə müraciət edirəm.
Belə ki, mən İsmayıllı rayon İstisu Bələdiyyəsindən müqavilə əsasında 3 hektar torpaq sahəsini icarəyə götürmüşəm. İcarə müqaviləsinin müddəti bitmədən bələdiyə sədri Zöhrə Şalbuzova vəzifəsindən sui-istifadə edərək həmin torpaq sahəsini başqa şəxslərə satmışdır. Hansı ki, mən müqavilənin şərtlərini pozmamışam topağı əkib becərib məhsul götürmüşəm vaxtlı- vaxtında icarə pulunu ödəmişəm.
Zöhrə Şalbuzova İsmayıllı rayonunun Sumaxallı, Qalacıq və İstisu kəndlərinin bələdiyyəsinin sədridir.Zöhrə Şalbuzova uzun illərdir bələdiyə sədri olsada heç bir iş görməmiş torpaq sahələrinin satışından, icarəsindən və vergi pulundan əldə olan vəsaiti öz xeyrinə xərcləməklə cinayətə yol vermişdir. Əgər onun fəaliyyəti təftiş edilərsə qanunsuz əməlləri təsdiqini tapacaq.İstisu dağların əhatəsində çayın sahilində dilbər güşədə yerləşən səfalı bir kənddir.Zöhrə Şalbuzova şəxsən İstisu kəndi üçün heç bir iş görməmişdir.Kəndimizə indiyə qədər yol çəkilməyib deyə kəndə gediş-gəliş çox çətindir.
Mən İstisu bələdiyyəsindən 3 hektar torpaq sahəsini qanunu müqavilə əsasında icarəyə götürmüşəm icarə müqaviləsinin müddəti bitməmiş Zöhrə Şalbuzova həmin torpağı başqa şəxslərə vermişdir.Hansı ki, həmin vaxt torpağa əkdiyim biçilməmiş taxıl var idi.
Zöhrə Şalbuzovanın bu əməlləri korrupsiya cinayətidir.
Mən Böyük Vətən müharibəsi iştirakçısıyam 94 yaşım var.Prezident cənab İlham Əliyev Böyük Vətən müharibəsi veteranlarına daima diqqət və qayğı göstərir.Özüm uzun illərdir Yeni Azərbaycan Partiyasının üzvüyəm. Külfətdən ibarət ailəm var. Mən mətbuat vasitəsi ilə Prezident cənab İlham Əliyevdən xahiş edirəm şikayətimi araşdırıb mənə qarşı korrupsiya cinayəti törətmiş bələdiyyə sədri Zöhrə Şalbuzovanın barəsində qanunu və ciddi tədbirlər görülməsinə tapşırıq verəsiniz.