Azerinfo.az-ın bölgə müxbiri Xanlar Cəbrayılzdə xəbər verir ki, Xaçmazda intihar hadisəsi baş verib.
Xacmaz rayon Kiçik Baraxum kənd sakini Elçin Arzumanov qonşu Nağıoba kəndinin meyvə bağında özünü güllələyib.

Mərhumun gecə evə gəlmədiyini görən ailə üzvləri və qohumları onu axtarmaqa başlayıblar. Axtarış nəticəsində səhər bağda güllələnmiş halda tapıblar və hüquq-mühafizə orqanlarına məlumat veriblər. Meyit hadisə yerində müayinə olunduqdan sonra tibbi ekspertiza üçün Xaçmaz meyitxanasına aparılıb.

Mərhumun atasının bildirdiyinə görə, mərhum noyabrın 17-də Xaçmaz polis şöbəsində olub və şöbədə dindirilib. Oradan qayıtdıqdan sonra isə evdən ov tüfəngi ilə çıxıb və səhər onun meyitini tapıblar. Xaçmaz pois şöbəsindən bildirildi ki, Elçin Arzumanovun barəsində Xaçmaz Polis Şöbəsində rəsmi ərizə olduğundan o, şöbəyə çağırılıb və dindirildikdən sonra sərbəst buraxılıb. Faktla bagli Xaçmaz prokurorluğunda araşdırma aparılır.