Elə əvvəllər də həmişə həkim səhlənkarlığı ilə ölkədə 1-ci olan Qazax Rayon Mərkəzi Xəstəxanasında bu gün də heç bir dəyişiklik olmayıb

Xəstəxananın baş həkimii işləmiş mərhumlar: Bəhman Ələsgərovdan sonra gələn Tapdıq Pənahov, Süleyman Nuriyev, Əhməd Qurbanov, hazırda mərkəzi xəstəxananın müavini işləyən Kavı Məmmədovun iş prinsipini hec cürə alqışlamaq mükün deyil. Hər baş həkim rayon səhiyyəsində yaxşı iz olaraq heç nə qoymamış, əksinə onların adları səhiyyə sisteminə qara hərflərlə yazılmışdır. Bu gün isə Qazax MX-ın baş həkimi işləyən Arzu Novruzovun Qazax səhiyyəsində əldə etdiyi nailiyyətsizliklər göz qabağındadır.
Heç bir əsası olmadan sökülərək tikiləcəyi vaxt məlum olmayan rayon mərkəzi xəstəxanası, tibbi personalın səriştəsizliyi, kağız üzərində yazılıb-pozulan əməliyyatlar, pərakəndə iş sistemi, həkim cəhlənkarlıqlarından insan ölmləri baş həkimin başsız qalan səhiyyəsinin bircə qoludur. Rayondan redaksiyamıza verilən məlumata görə, cərrahlığı qəssablıqla qarışdıran, köhnə kardioloji dispanseri cərrahiyyə şöbəsinə çevirən Binyamin Abbasəliyevdən Arzu Novruzov ehtiyatlanır. Ümumi cərrahiyyə və qeysəriyyə əməliyyatı üçün tam əlverişsiz olan kardioloji dispanser sanki konslagerdir. Burada necə-neçə xəstələr nəfəsi ilə gəlib, nəfəssiz getmişlər. Xatırladırıq ki, əgər cərrahiyyə şöbəsi demək mümkündürsə, burada yalnız bir ailə, o cümlədən Binyamin Abbasəliyev, həyat yoldaşı və 2 oğlu çalışır. Oğlanları “həkim” vəzifəsini icra etsələr də, Odlar Yurdu Universitetinin tibb fakültəsini bitirmişlər. Maraqlıdır ki, onlara cərrahiyyə əmliyyatlarını aparmağa səhiyyə nazirliyinin “kağızı” icazə verib.
… Neçə-neçə ana və uçaq ölümlərinin baiskarı olan ailə cərrahları bir neçə gün bundan əvvəl 2 nəfər ananı da qəssab bıçaqlarında sınadılar. Rayonun Ürkməzli kənsd sakini, 1 uşaq anası, 28 yaşlı xanım Təranə Əsgərova Binyamin Abbasəliyevin qeysər əməliyyatından sonra vəziyyəti ağırlaşmış, infeksiya keçməsindən xəstəyə bir neçə davə-dərman edilsə də, Qazax həkimləri yardımçı ola bilməmişlər. Bakıya çatdırılan Əsgərova orada da dünyasını dıəyişmişdir. Digər xəstə rayonun Qaymaqlı kəndindən olan ana isə hələ ki, yaşayır. Sadəcə olaraq həmin xəstənin adını dilə-dişə salmırıalr.
Ümumiyyətə, Qazax Mərkəzi Xəstəxananın doğum evi də söylənilməzdir. Doğum evinin baş həkimi Aynur Namazlı da bir başqa “qoçudur”. Təsəvvür edin ki, Arzu Novruzovun ona da gücü çatmır. Doğum evinin özü bir teatrı xatırladır. Aynur Namazlının Binyamin Abbasəliyevlə bir ələ oynaması görünməmiş hal deyil! Baş həkim Arzu Novruzovun bu xanıma da “gözün üstə qaşın var” deyə bilməməsi baş həkimin yerində omamasından xəbər verir. Lakin o da səbəbsiz deyil. Rayondakı mənbənin redaksiyamıza bildirdiyinə görə, baş həkim Novruzov, Aynur Namazlı başda olmaqla doğum evində ultra səs müayinə aparatında əyləşən Validə adlı qızdan tutmuş, diş həkimlərinə, poliklinikada işləyənlərə, qrupa çıxanlra kimi hamıya ayrıca haqq qoyub. Belə bir şəraitdə nədən və ya hansı rayon səhiyyəsindən danışmaq olar? Mərkəzi xəstəxanası olmayan, diaqnostika mərkəzində təkcə 4-5 çarpayılıq ümidində qalan Qazax Rayon Səhiyyəsi uşaq vaxtı çoxlarımızın oxuduğu “Ördək, balıq və xərçəng” hekayəsini xatırladır. Belə bir vəziyyətdə “Şöhrət” ordenli səhiyyə naziri Oqtay Şirəliyevin Arzu Novruzovun nəyinə aşiq olması təəccüb doğurur. Özü də Qazaxda tez-tez baş verən ölüm hadisəlri kulminasiya nöqtəsinə çatdığı bir vəziyyətdə… Belə çıxır ki, yenə də Qazax səhiyyəsindəana ölmü ilə bağlı bir neçə nəfərə şiddətli töhmət, ölü sahibinə isə Allahdan rəhmət dilənəcək. Ona görə də nahaq yerə demirlər ki, “Yazıq öldürənin deyil, ölənin gününə!”
Elçin Əmirov