Gəncəçayın sağ sahili boyunca 1,2 km uzunluğunda əraziyə salınan bulvarda bənd vurma işləri aparılır. Çay yatağından istifadə edərək süni göl yaradılır. Bəndvurma və çayın məcrasının yenidən bərpası işləri Mirzə Abbas Abbaszadə küçəsindən Nizami Gəncəvi prospektinə kimi olan ərazisinin sağ hissəsini əhatə edir.

Bulvar kompleksinin salınmasından başqa ətrafda abadlıq və quruculuq işləri də həyata keçirilir. Kompleksin tikintisinə xeyli sayda texnika və briqada cəlb olunub. Çayın sağ və sol hissələrini daşqın və seldən qoruyacaq tikinti materialları yaxın zamanlarda tam olaraq bəndin kənarlarına vurulacaq. Bulvar ərazisinin 1500 metrində bənd atılıb. Su hövzəsinin yaradılması üçün çay içərisində üçü bənd vurulur. Ərazisində velosiped yolu da salınır. Bulvar ərazisində 10 fəvvarə inşa olunub.

Azərbaycanda ilk dəfə olaraq Gəncə şəhərində salınan bulvar kompleksi ərazisində �Əli və Nino� heykəli ucaldılır. Memarlar abidənin dünya memarlığında bir ilk olacağını bildirirlər. Gəncəçayın sağ sahilində salınan �Əli və Nino� memarlıq abidəsində hazırda beton -konstruksiya işləri aparılır. �Əli və Nino� heykəllərinin hündürlüyü 3.5 metr olacaq. Kompleksdə işlərin bu ilin sonuna kimi başa çatdırılması nəzərdə tutulub.

Heykəl iki alovun yanması anlamını verəcək. Sonrakı mərhələdə isə �Əli və Nino� tərənüm olunur. Heykəlin ətrafında süni tüstü effektləri veriləcək ki, sanki bunların eşqləri səmada uçur. Dünya memarlığında ilk dəfə Gəncədə abidədə vizual bir görüntü yaradılacaq. Abidənin ətrafında 3 fəvvara quraşdırılır. Fəvvarələr də vizual olaraq göz yaşlarını xatırladacaq. Layihəyə görə, �Əli və Nino� heykəli Şərq üslübundaolmasına baxmayaraq modern formada olacaq. Azərbaycanlı və gürcü gənclərin sevgisinə ithaf edilən abidədir.

Bulvar ərazisində "Kitab evi", "Kitab Satışı Mərkəzi", "Uşaq Əyləncə Mərkəzi", də inşa olunur. Uşaqların əylənməsi üçün 14 atraksion quraşdırılır. "Bayraq Meydanı" və "Mətbuat evi"nin yerləşdiyi ərazidə salınan "Bulvar Kompleksi"ndə yaşıllıq zolağının salınması məqsədilə xüsusi yerlər də hazırlanır. Kompleks ərazisində müasir gecə işıqlandırma dirəkləri, skamyalar və tullantıların atılması üçün zibil qutuları da qoyulacaq.

http://www.ganjanews.az