Pakistanın Azərbaycandakı fövqəladə və səlahiyyətli səfiri Xalid Osman Qeysər Tovuz rayonuna səfər edib. Rayon icra hakimiyyətində baş tutan görüş zamanı səfirə Tovuzun iqtisadi və turizm potensialı barədə məlumat verilib, pakistanlı qonağa saz hədiyyə edilib. Tovuza ilk səfəri olduğunu vurğulayan diplomat dövlətlər arasında siyasi, iqtisadi və mədəni əlaqələrin yüksək olduğunu vurğulayıb. Şəhidlər xiyabanını ziyarət edən səfir daha sonra Tovuzun tez-tez atəşə məruz qalan Ağdam, Hacallı kəndlərində olub. Səfirə erməni silahlılarının cəbhə sakinlərinin normal həyat səviyyəsini pozduğunu kənd orta məktəbinin tez-tez gülləbaran edilməsi haqda məlumat verilib. Daha sonra rayon rəhbərliyi ilə birgə Tovuzun girişində yerləşən Qala abidə kompleksinə baxış keçirilib. Pakistanlı diplomata Azərbaycanın tarixi, qədim ərazisi barədə məlumat verilib. Jurnalistlərin suallarını cavablandıran Xalid Osman Qeysər ailə üzvləri ilə birgə Tovuza ilk səfərindən məmnun olduğunu bildirib.

Xalid Osman Qeysər -Pakistanın Azərbaycandakı səfiri: "Mən bu gün eyni zamanda ön cəbhədə oldum. Oradakı vəziyyətlə yerində tanış oldum. Regionla bağlı bu istiqamətdə çox geniş məlumatım oldu. Pakistan Dağlıq Qarabağ münaqişəsində Azərbaycanın ərazi bütovlüyü məsələsində Azərbaycanı çox ciddi şəkildə dəstəkləyir və Pakistan xalqı da minnətdardır ki, Azərbaycan xalqı da Kəşmir məsələsində Pakistanı hər zaman dəstəkləyir."

kepeztv.az