İnsanlar həyata bir çox məqsədlər üçün gəlirlər.

İnsanın həyatdakı yeri, hörməti və prestiji onun ilk növbədə özünə və ətrafındakılara qoyduğu qiymətlə xarakterizə olunur. Dəyərin ən başlıca amili isə insanın üzərinə düşən vəzifəni laiqincə və ona özünü həsr edərək yerinə yetirməsidir.
Kürdəmir şəhər M.Ə.Rəsulzadə adına 2 saylı tam orta məktəb-lisey son 10 ildə demək olar ki, yerində adımlayırdı. Məktəb rayon üzrə məktəblərlə müqaisədə cox geriləyirdi, hətda kənd məktəbləri ilə bərabər adı hallanmağa başlayırdı. Elə bu məktəbin məzunu olmuş Elnur Məmmədli məktəbə direktor təyin ediləndən sonra, məktəbin təhsil spektorundakı yeri, öz baxış bucağını dəyişdi. Məktəbdə hiss olunacaq dərəcədə böyük dəyişikliklər müəllim və şagirdləri həvəsləndirdi.
Elm və təhsil özünə təmənnasız qayğı tələb edən bir sahədir. Burda yalnız gördüyün işi və iş predmeti olan gələcəyin ümidi sayılan şagirdləri sevəsən gərək. Elnur müəllim bunu başardı. Kolleqaları və şagirdlər üçün etdiyi dəyşikliklər təqdirə laiqdir. Ömrünün payızını yaşayan məktəb Elnur müəllimin ideyaları sayəsində bir anda çiçəklənməyə başladı. Mənə elə gəlir ki, insan vəzifəni yalnız kreslonun yumşaqlığı, komfortu ilə ölçməməlidir. Bir az da, məsulliyyətli və ağıllı olub, işlədiyi müəssisənin irəli addimlamasında səyy göstərməlidir.
Elnur müəllim qısa zamanda sözün əsil mənasında çevriliş edərək, məktəbə yenidən can verdi. 20 ilə yaxın müddətdir ki, bu məktəb də belə canlanma görmürdük.
Mən Elnur müəllimə dərin təşəkkürümü bildirərək, bu uzun, çətin və bir o qədər də məsuliyyət tələb edən yolda əzm arzulayıram. Əməyinizin çiçəkləndiyini görürnür, bu əməyin barını, bəhrəsini də dərməyi Allah Sizə nəsib etsin!
Bu il Kürdəmir şəhər M.Ə.Rəsulzadə adına 2 saylı tam orta məktəb-liseyin 500-den yuxarı bal toplamış və Respublikanın nüfuzlu ali təhsil ocaqlarına daxil olmuş şagirdlərimizi, onlara təhsil verən müəllimlərimizə və bu şagirdlərin valideyinlərini ürəkdən təbrik edirik.












Müəlllif Fidan Agayeva