Amerika Birləşmiş Ştatlarının Azərbaycandakı səfiri Robert Sekuta qərb bölgəsinə səfəri zamanı Gəncədə məcburi köçkünlər üçün salınan qəsəbədə də olub. Səfir Kəlbəcər rayon icra hakimiyyətinin başçısı ilə görüşüb. Məcburi köçkünlərə dövlət tərəfindən hər cür şərait yaradılsa da, tez bir zamanda Azərbaycanın işğal altına olan torpaqlarının azad olunmasının vacibliyi vurğulanıb. Kəlbəcər rayon icra hakimiyyəti adından qonağa xatirə hədiyyəsi təqdim edilib. Ardından diplomat qəsəbədə olan mədəniyyət evində Kəlbəcərin incəsənət xadimlərinin, eləcə də �Maral oyunu� folklor qrupunun çıxışlarını izləyib. Səfir Robert Sekuta qəsəbədəki 4 saylı uşaq bağçası � körpələr evində də olub. Burada uşaqların təlim-tədris prosesi ilə bağlı qonağa məlumat verilib. Robert Sekuta qəsəbədə yaşayan Kəlbəcərdən olan məcburi köçkün Vüsal Əhmədovun evində olub. Çay süfrəsi arxasında səmimi söhbət edilib.

Robert Sekuta ABŞ-ın Azərbaycandakı səfiri � "Kəlbəcərdən olan məcburi köçkün ailəsi ilə söhbətdən də aydın oldu ki, bu mücərrəd, abstraq bir münaqişə deyil. Bunun humanitar fəsadları var. Bu, dondurulmuş münaqişə adlandırılmasına baxmayaraq heç də belə deyil. Çünki təmas xəttində hər gün insan itkiləri baş verir. Bütün bunları nəzərə alaraq, Minsk qrupunun həmsədr ölkələri və vasitəçilər hər iki ölkənin xarici işlər nazirləri ilə daim təmasdadırlar, çalışırlar ki, hər iki dövlətin prezidentlərinin görüşlərini təşkil etsinlər. Burada da əsas məqsəd bunları bir araya gətirmək və münaqişənin dinc yolla nizamlanması istiqamətində irəliləyişə nail olmaqdır."




http://kepeztv.az