Nazirliyin Gəncə şəhər İdarəsinin əməkdaşları Ulu Öndər Heydər Əliyevin abidəsini və Əksinqilabla Mübarizə Təşkilatının rəhbərləri olan Məmmədbağır və Nağı Şeyxzamanlıların yaşadıqları evin önündəki baralyefi ziyarət ediblər.

Daha sonra keçirilən tədbirdə MTN-nin Gəncə şəhər İdarəsinin rəisi Əli Əliyev bildirib ki, 1919-cu ilin martında yaradılan qurum Azərbaycan Xalq Cümhuriyyəti, Sovet və müstəqil Azərbaycan Respublikası dövrü ərzində tarixin mürəkkəb və ziddiyyətli sınağından keçib.
O dövrdə Xalq Cümhuriyyətinin hərbi naziri Səməd bəy Mehmandarovun əmri ilə nazirlik tərkibində kəşfiyyat və əks-kəşfiyyat bölməsi təşkil edilib. Qurumun ilk rəhbəri Məmmədbağır Şeyxzamanlı, sonra onun qardaşı Nağı Şeyxzamanlı təyin edilib.
Tədbirdə dövlət sirrinin qorunması, korrupsiya, terrorizm, narkotik vasitələrin, psixotrop və radioaktiv maddələrin, odlu silah və döyüş sursatının beynəlxalq qanunsuz dövriyyəsi ilə, mütəşəkkil transmilli cinayətkarlığın daha təhlükəli növləri ilə mübarizədə nazirliyin əməkdaşlarına uğurlar arzulanıb.



http://www.ganjanews.az