Tədbirə möhtəşəm memarlıq incisi �Zəfər Tağı�ndan start verilib. Bir qrup gəncin iştirakı ilə veloyürüş təşkil olunub. Velosipedçilər xüsusi köynəklərdə, bayraqlı velosipedlərlə şəhərin bir sıra prospekt və küçələrindən keçərək �Bayraq Meydanı�na qədər olan məsafəni qət ediblər.

Gəncə şəhər İcra Hakimiyyətinin başçısı Elmar Vəliyev, şəhər ictimaiyyətinin nümayəndələri, kollektivlər və şəhər sakinlərinin iştirak etdiyi �Bayraq Meydanı�nda düzənlənən tədbirdə əvvəlcə hərbi keçid olub. Üçrəngli bayrağımız hərbçilərin, gənc şahinlərin çiynində nümayiş etdirilib. Daha sonra Azərbaycan Respublikasının Dövlət Himni səsləndirilib.

Tədbiri şəhər İcra Hakimiyyətinin başçısı Elmar Vəliyev açıq elan edib. Şəhər rəhbəri tədbir iştirakçılarını salamlayaraq, �Bayraq Günü� münasibəti ilə sakinləri təbrik edib. O, həmçinin ölkə prezidentinin sərəncamı ilə hər il qeyd olunan �Bayraq Günü�nün respublikanın ikinci böyük şəhərində də böyük ruh yüksəkliyi ilə qeyd edildiyini diqqətə çatdırıb. Elmar Vəliyev Prezident İlham Əliyevin məlum fərmanı ilə dövlətimizin əsas atributuna olan hörmət və ehtiramın daha da artırıldığını qeyd edib.

Bayram tədbirinin rəsmi hissəsindən sonra Gəncənin gənc incəsənət ustaları və rəqs qruplarınun iştirakı ilə geniş konsert proqramı düzənlənib.

Qeyd edək ki, Gəncə çayının sağ sahilində yerləşən �Bayraq Meydanı�nın 2011-ci ildə tikintisinə başlanılıb. 2012-ci ilin yanvar ayının 21-də Prezident İlham Əliyevin iştirakı ilə açılış mərasimi olub. Bayrağın postamenti 4 m, dirəyinin hündürlüyü 100 m, bayrağın eni 25 m, uzunu isə 50 m-dir.






http://www.ganjanews.az