Ucardan Politika.Az-a şikayət məktubu daxil olub

Rayonun 20 Yanvar küçəsi, döngə 8, ev 3 sakini Hüseynov Qəfər Tofiq oğlu bildirib ki, Ucar rayon Mərkəzi Xəstəxanasının terapevt həkimi Pərvanə Eyvazovadan şikayətçidir.

“Həkimin savadsızlığı və saxtakarlığı nəticəsində uzun müddət yataq xəstəsi olub səhv müalicəyə görə xeyli miqdarda pul xərcləmişəm. Belə ki, səhhətimdə ağrılar olduğu üçün 23 dekabr 2015-ci il tarixdə Ucar Rayon Mərkəzi Xəstəxanasına həkim Pərvanə Eyvazovaya müraciət etdim.

Onun məsləhəti ilə pul verib qan, sidik analizi verdim, rentgen və ultura səs müayinədən keçdim. Pərvanə həkim mənə bildirdi ki, sənin ağciyərində güclü xəstəlik var”,- deyə şikayətçi qeyd edib.

Onun sözlərinə görə, həkim bahalı firma dərmanları yazıb: “Bir ay müalicə edildikdən sonra yaxşılaşmadığım üçün Pərvanə həkimin qəbuluna getdim, onun məsləhəti ilə təkrar olaraq pul verib qan, sidik analizi olundum, rentgen və ultura səs müayinədən keçdim.

Yenə əvəlki qaydada mənə ağır dozalı bahalı firma dərmanları yazdı.Yenə müalicəm effekt vermədi, yenə qəbuluna getdim, yenə həmin qaydada pul verib analiz, müayinə yenə bahalı dərmanlardan müalicə yazdı. Bundan sonra dərmanların təsirindən səsim batdı, arıqlayıb 58 kq oldum.

Səriştəsiz, saxtakar həkim Pərvanə Eyvazovanın səhv müalicəsi nəticəsində səhhətim daha da ağırlaşdı deyə məni təcili qonşu Göyçay rayon Xəstəxanasına apardılar”.

Q.Hüseynov deyib ki, orada məni müayinə edən həkimlər ağciyərində heç bir problem olmadığını söyləyiblər: “Diaqnozların və müalicən səhv aparılıb, sənin ürəyində problem var. Orada həkimlərin məsləhəti ilə Bakı şəhərinə Mərkəzi Neftçilər Xəstəxanasına gəldim.

Mərkəzi Neftçilər Xəstəxanasında məni həkim Saleh Hüseynov obyektiv müayinə etdi və müalicə yazdı. Həkim Saleh Hüseynovun düzgün müalicəsi nəticəsində sağaldım, indi özümü yaxşı hiss edirəm. Ucar rayon mərkəzi xəstəxanasının saxtakar, savadsız həkim Pərvanə Eyvazovanın dələduzluğunun qurbanı olub uzun müddət yataq xəstəsi oldum deyə işimi, sağlamlığımı itirdim, səsim batdı, maddi ziyana düşdüm”.

O, Pərvanə Eyvazovanın bu hərəkətini cinayət əməli sayır: “Prezidentə, Mehriban xanım Əliyevaya, Səhiyyə Naziri Oqtay Şirəliyevə, Baş Prokurora və digər orqanlara şikayət ərizəsi ilə müraciətlər etmişəm. Onun cinayət əməllərini təsdiq edən üubutları orqanlara təqdim edəcəyəm”.