Bu gün ali təhsil müəssisələrinin və Azərbaycan Milli Elmlər Akademiyasının magistratura səviyyəsinə qəbul imtahanının birinci mərhələsi keçirilib. İmtahanlar Bakı, Naxçıvan, Gəncə, Mingəçevir, Şəki, Lənkəranda olmaqla ümumilikdə 41 imtahan mərkəzində aparılıb. Məntiq, informatika və xarici dil üzrə sualların cavablandırılması üçün bakalavrlara 2 saat yarım vaxt verilib. Bu il imtahanlarda iştirak etmək üçün 24 110 bakalavr ərizə verib. Ötən il isə bu rəqəm 23 231 olub. İmtahan verən bakalavrların 11 550 nəfəri cari ilin, 12 560 nəfəri isə, əvvəlki illərin məzunlarıdır. 62 nəfər xarici ölkə vətəndaşıdır. İmtahanda iştirak edən ən yaşlı bakalavr 1958, ən gənci isə 1997-ci il təvəlüdlüdür.

Vüqar Əsgərov- TQDK-nın Gəncə Regional Bölməsinin aparıcı məsləhətçisi: "Bu imtahanlarda 21 822 nəfər azərbaycan bölməsi, 2 288 nəfər rus bölməsində iştirak edir. Gəncə şəhərində 2185 bakalavr imtahan verir. İmtahanlar 4 binada keçirilir. 17 imtahan rəhbəri, 170 nəzarətçi cəlb olunub. İxtisas qrupuna uyğun olaraq müvafiq bal toplayanlar ikinci mərhələyə buraxılacaqlar. İkinci mərhələnin imtahanı 5 iyun tarixində olacaq".

kepeztv/az