Müəllimlərin maaşı artacaq - Rəsmi açıqlama

İlham Əliyev Qazaxıstanda işgüzar səfərdədir

İlham Əliyev Slovakiya Milli Şurası sədrinin başçılıq etdiyi nümayəndə heyətini qəbul edib

İlham Əliyev “Zangilan City Park Hotel”in təməlini qoydu - Fotolar

“Bir dənə güllə atsaq, onların dabanları parlayacaq” - Prezident

“Azərbaycana nifrət edənlər hakimiyyətə gəlsə, Ermənistan xalqının başı dərddə olacaq”

İlham Əliyev: "Əminəm ki, Onun ruhu şaddır, çünki bugünkü Azərbaycan Onun əsəridir"

İlham Əliyev: Cəbrayılın Azərbaycan üçün böyük töhfəsi olacaq

İlham Əliyev Cəbrayıl rayonunun Şükürbəyli kəndinin açılışında iştirak edib

Müəllimlərin maaşı artacaq - Rəsmi açıqlama

Sosial

Oxunub: 11 427

17 fev 2017 | 13:07

Müəllimlərin maaşı artacaq - Rəsmi açıqlama

İlk peşə ixtisas təhsili müəssisələri rasionallaşdırıldıqdan sonra diaqnostik qiymətləndirmədə yaxşı nəticə göstərən peşə məktəbi müəllimlərinin ümumtəhsil məktəblərinə keçidi, digər halda isə yüksək əməkhaqqı ilə təminatı nəzərdə tutulub

Təhsil Nazirliyinin İnsan resursları şöbəsinin müdir müavini Eşqi Bağırov Lent.az-a bildirib ki, bu ilin mart ayında diaqnostik qiymətləndirmədə iştirak edəcək müəllimlərin sənəd qəbulu, aprel-may ayları ərzində isə imtahanlar keçiriləcək.

E.Bağırovun sözlərinə görə, mart-aprel-may ayları ərzində ölkədə diaqnostik qiymətləndirmədən keçməyən daha 26 rayonda həm ümumtəhsil məktəblərində çalışan ,eyni zamanda ilk peşə ixtisas təhsili müəssisələrində işləyən müəllimlərin diaqnostik qiymətləndirilməsinin keçirilməsi nəzərdə tutulub: “ Bu il diaqnostik qiymətləndirilmədə iştirak edəcək ilk peşə-ixtisas təhsili müəssisələrinin müəllimlərinin sayı 1100-1200 arası təşkil edir.

26 rayon üzrə ümumtəhsil məktəblərində çalışan müəllimlərin sayı isə təxminən 50 minə yaxındır. Bu kontingentin hamısı bu aylar ərzində qiymətləndirmədə iştirak edəcək”.

E.Bağırov deyib ki, ilk peşə ixtisas təhsili müəssisələrində işləyən başqa pedaqoji kadrlar da var, amma diaqnostik qiymətləndirmədən ümumtəhsil fənlərini tədris edən müəllimlər keçəcək.

Qurum rəsmisi qeyd edib ki, diaqnostik qiymətləndirmə ilə bağlı nəzərdə tutulan maaş artımı ilk peşə ixtisas təhsili müəssisələrində çalışan müəllimlərə şamil edilmir: “Dövlət başçısının müvafiq sərəncamına əsasən, maaş artımı eyni qayda ilə ümumtəhsil məktəblərində çalışan, bilik və bacarıqları qiymətləndirilən müəllimlərə şamil olunacaq. Yəni burda peşə məktəbləri, peşə liseylərində işləyən müəllimlərdən söhbət getmir. Bu diaqnostik qiymətləndirmədən keçən ümumtəhsil məktəb müəllimləri üçün də maaş artımı onların göstəricilərindən asılı olaraq 40 % arasında dəyişə bilər”.

E.Bağırov onu da vurğulayıb ki, ilk peşə ixtisas təhsili müəssisələrinin rasionallaşdırılmasından sonra diaqnostik qiymətləndirmədən yaxşı keçən peşə məktəb müəllimlərinin yüksək əməkhaqqı ilə təminatı nəzərdə tutulub: “İlk peşə ixtisas təhsil müəssisələri rasionallaşdırıldıqdan sonra diaqnostik qiymətləndirmədə yaxşı nəticə göstərən müəllimlərin ümumtəhsil məktəblərinə keçidi, daha yüksək əməkhaqqı ilə təmini də nəzərdə tutulub. Yəni rasionallaşma prosesindən sonra yaxşı nəticə göstərən müəllimlərə daha yüksək əməkhaqqı verməyi planlaşdırırıq”.

“Müəllimin karyera inkişafında müəllimin diaqnostik qiymətləndirmədə göstərdiyi nəticə bir göstərici rolu oynayır. Əgər bir müəllim sabah direktor vəzifəsində iddialı olsa müsabiqə zamanı şəxsi işi araşdırılarkən onun qiymətləndirmədə göstərdiyi nəticə də meyar kimi istifadə edilə bilər” – deyə, E.Bağırov əlavə edib.

Qeyd edək ki, cari ilin aprel-may aylarında ölkənin digər 26 şəhər və rayonunun dövlət ümumi təhsil müəssisələrində çalışan müəllimlərin bilik və bacarıqlarının diaqnostik qiymətləndirilməsi keçiriləcək. Qiymətləndirmədə Qax, Qəbələ, Şəki, Zaqatala, Balakən, Oğuz, Yevlax, Ağdaş, Xocalı, Goranboy, Mingəçevir, Naftalan, Göyçay, Kəlbəcər, Ağdam, Füzuli, Bərdə, Tərtər, Beyləqan, Laçın, Ağstafa, Tovuz, Qazax, Zəngilan, Xocavənd, Cəbrayıl şəhər və rayonlarının 50 minə yaxın müəlliminin iştirakı nəzərdə tutulur.

Bununla yanaşı, ilk peşə-ixtisas təhsili müəssisələrinin müəllimləri də qiymətləndiriləcək. İlk peşə-ixtisas təhsili müəssisələrində çalışan müəllimlərin diaqnostik qiymətləndirilməsi daha peşəkar, yüksək bilik və bacarığa malik pedaqoji işçilərin müəyyən edilməsi məqsədi daşıyır.