İlham Əliyev “Euronews” televiziyasına müsahibə verib
Siyaset
Oxunub: 30
23 may 2024 | 10:56
 İlham Əliyev “Euronews” televiziyasına müsahibə verib


Azərbaycan Respublikasının Prezidenti İlham Əliyev aprelin 26-da Almaniyanın paytaxtı Berlində keçirilən “15-ci Petersberq İqlim Dialoqu”nun Yüksək Səviyyəli Seqmentində iştirakı zamanı “Euronews” telekanalına müsahibə verib.

Həmin müsahibəni təqdim edirik.

Müxbir: Prezident Əliyev, Sizinlə söhbət etmək həmişə olduğu kimi çox xoşdur. Biz Berlində, Petersberq İqlim Dialoqu tədbirindəyik. Bu, həqiqətən də COP29-a aparan yolun başlanğıcıdır. Yəqin ki, komandanız çox həyəcanlıdır. Builki COP-dan nə gözləyə bilərik, hansı məsələlər icra olunacaq və sadəcə, müzakirə olunmayacaq?

Prezident İlham Əliyev: Biz bütün tərəflərin özlərini rahat hiss etdiyi bir mühit yaratmaq istəyirik. Bizim Qoşulmama Hərəkatında körpü rolunu oynamaqda böyük təcrübəmiz var. Bildiyiniz kimi, Hərəkata dörd il sədrlik etdik. Hesab edirəm ki, 120 üzv ölkə ilə biz həqiqətən də böyük tərəqqiyə nail olduq. Biz Avropa İttifaqına üzv olan ölkələrlə fəal işləyirik. Bu gün konfransda dediyim kimi üzv ölkələrin doqquzu ilə strateji tərəfdaşlıq haqqında Bəyannaməni imzalamışıq və qəbul etmişik. Digər sözlə, Qlobal Cənub və Qərb və iqlim dəyişikliyi məsələlərinin öhdəsindən gəlmək üçün birlikdə bu prosesdə necə iştirak etməliyik, həmrəyliyi, ortaq məsuliyyəti necə gücləndirməliyik və iqlim dəyişikliyi məsələləri ilə bağlı müəyyən inamsızlığı necə azaltmalıyıq? Çünki siz fərqli ideyaları, fərqli fikirləri bilirsiniz.

Müxbir: Qazıntı yanacağı ideyası ötən il BƏƏ-də keçirilən COP28-də üstünlük təşkil edirdi. Bilmək istərdim iki, Sizin fikrinizcə, COP tarixində qazıntı yanacağı hasil edən ölkənin dəyişikliklərin edilməsi və keçid prosesində aparıcı rola malik olması müsbət hadisə olaraq qiymətləndirilirmi?

Prezident İlham Əliyev: Biz məhz buna nail olmağa çalışırıq. Konfransda verdiyim mesajlardan biri də o idi ki, bizi malik olduqlarımıza görə mühakimə etməyin. Bizi onlardan necə istifadə etdiyimizə, gündəmimizə görə mühakimə edin. Avropadakı, Qoşulmama Hərəkatındakı iştirakımızla bağlı dediklərimdən əlavə, həmçinin bir məsələni da anlamaq vacibdir ki, biz həm də OPEC+ üzv ölkəsiyik. Biz COP-dan əvvəl daha çox maliyyələşməni təmin etmək üçün Azərbaycan və neft hasil edən digər ölkələrin hansı əlavə töhfələri ola bilər kimi həmrəylik paketini yaratmaq üçün bir çox neft hasil edən ölkələrlə işləyirik. Hesab edirəm ki, neft hasil edən ölkələr, xüsusilə neftin qiyməti yüksək olanda problemin öhdəsindən gəlmək üçün daha çox ödəniş etməli və daha çox töhfə verməlidir. Hesab edirəm ki, həmrəylik maliyyələşmənin ayrılmaz hissəsidir və biz necə uğur qazanacağıq.

Müxbir: COP29-un davamlı mirası olaraq nəyi görmək istərdiniz?

Prezident İlham Əliyev: Əgər yaşıl dünyaya doğru əlavə və davamlı olan konkret addımlar ata bilsək, bu, ən vacib miras olacaq. Eyni zamanda, bildiyiniz kimi COP üçün yenilik olan bir təşəbbüs bizim tərəfimizdən irəli sürülmüşdür. Üçlük, üç ölkə mexanizminin yaradılması. Burada məqsəd bu üçtərəfli əməkdaşlıq formatını yaratmaq üçün BƏƏ-nin, Azərbaycanın və sonra Braziliyanın təcrübəsindən istifadə etməkdir. Çünki hər üç ölkə müxtəlif regional, iqtisadi, siyasi və sair məsələlərdə iştirak edir. Beləliklə, biz qarşılıqlı səylər, həmrəylik göstərməli, bir-birimizi günahlandırmağı dayandırmalıyıq. Nefti olmayan ölkələr nefti olan ölkələri ittiham etməməlidir, kiçik və inkişaf etməkdə olan ölkələr inkişaf etmiş böyük ölkələrə “siz iqlim fəlakətinə görə məsuliyyət daşıyırsınız” deməklə onlara qarşı tələblər irəli sürməməlidirlər. Beləliklə, bu, diplomatiyadır, siyasətdir, maliyyədir və əlbəttə ki, ev sahibi ölkəsi kimi biz bunun üçün bir platforma yarada bilərik.

Müxbir: Cənab Prezident, Sizinlə söhbət etmək xoş idi. Bu gün bizə vaxt ayırdığınıza görə çox sağ olun.

Prezident İlham Əliyev: Çox sağ olun.

 İlham Əliyev “Euronews” televiziyasına müsahibə verib İlham Əliyev “Euronews” televiziyasına müsahibə verib İlham Əliyev “Euronews” televiziyasına müsahibə verib
Bu gün, 09:38
Azərbaycanın məscidlərində bayram namazı qılınır
Bu gün, 09:32
Azərbaycanda Qurban bayramı qeyd olunur
Dünən, 10:05
Prezident konfrans iştirakçılarına müraciət ünvanlayıb
Dünən, 09:49
Şuşa Bəyannaməsinin imzalanmasından üç il ötür
Dünən, 09:37
Azərbaycanda Milli Qurtuluş Günüdür
14-06-2024, 16:00
Zəngəzur dəhlizinə yeni “iki düyün” - NƏ BAŞ VERİR?
14-06-2024, 15:30
Naxçıvan təlimlərinin məqsədləri: Rəisi Culfada olarkən nə demişdi? - İNCƏLƏMƏ
14-06-2024, 14:22
Paşinyan bu dəfə daha izdihamlı, 15 km-lik velo-yürüş etdi... - VİDEO
14-06-2024, 14:05
Prezident İlham Əliyev Azərbaycan xalqını təbrik etdi
14-06-2024, 14:00
Qərbin gözü İrəvana NİYƏ KORDUR? - Baxır dəyənək kimin əlindədir...
14-06-2024, 13:58
İtən əsgərimiz öldürülübmüş - RƏSMİ AÇIQLAMA
14-06-2024, 13:53
İlham Əliyev Fərman imzaladı
14-06-2024, 13:46
Daşaltı Dövlət Təbiət Yasaqlığının fəaliyyəti bərpa edilir
14-06-2024, 13:40
Zakir Həsənov Çinin hərbi nümayəndə heyəti ilə görüşüb
14-06-2024, 13:36
Pensiyaçılara şad xəbər: Bu tarixdə artım olacaq!
14-06-2024, 12:48
Milli Məclisdə deputatlardan bir-birinə qarşı ittihamlar
14-06-2024, 12:44
Evlər qaydalı şəkildə verilir, növbəsiz mümkün deyil - Sahil Babayev
14-06-2024, 11:22
Milli Məclisdən Prezident və Birinci vitse-prezidentə məktub
14-06-2024, 11:00
Paşinyan hakimiyyətdən getsə, imzası etibarsız olacaq, ona görə də...
14-06-2024, 10:49
Son 4 ildə də İlham Əliyevə məğlub oldular - Zahid Oruc
14-06-2024, 10:41
"İlham Əliyev Nobel sülh mükafatına layiq olan ən real namizəddir" - Deputat
14-06-2024, 10:37
Deputata ağır itki üz verdi
14-06-2024, 10:33
Xankəndidən qaçan Şahramanyan Qarabağ haqda gizlədilən sirri açıqladı - İLK DƏFƏ
14-06-2024, 10:20
Milli Məclisin növbədənkənar sessiyasının iclası başladı: 11 məsələyə baxılır
14-06-2024, 10:05
Mövqelərimiz yenidən atəşə tutuldu
14-06-2024, 10:01
Qadının ayağından öpməyə məcbur edilən şəxsin atası DANIŞDI
14-06-2024, 09:00
Dünyanın taleyi 5 ölkədən asılıdır - Ərdoğan