Paşinyanın seçki rəqibindən şok hədə - Bakının B planı
Ermənistanın keçmiş ombudsmanı da revanşistlər kimi sülhə qarşı çıxdı - Azərbaycan bütün ssenarilərə hazırdır
Ermənistanın keçmiş ombudsmanı, az öncə “Birliyin qanadları” adlı siyasi hərəkat yaradan Arman Tatoyan Azərbaycanla bağlı avantürist açıqlama verib. Qarşıdakı parlament seçkilərində qələbə iddiasında olan Tatoyan deyib ki, “Bakı ilə sülh sənədi imzalamağa hazırdır, amma yalnız İlham Əliyevdən sonra”.
Bunu o, İrəvanda keçirdiyi mətbuat konfransında bildirib.
“Gəlin baxaq görək, bu müqavilə bizə nə verir? ABŞ prezidenti ilə görüşdən dərhal sonra Əliyev ”Ermənistan konstitusiyanı dəyişdirməlidir" deyə bəyan edib. Halbuki sazişdə “tərəflər bir-birinin işlərinə qarışmamalıdırlar” qeydi var. Mən Azərbaycanın tələbi ilə konstitusiyanı dəyişdirməyəcəyəm", - deyən Tatoyan Bakının guya paraflanmış sənədə əməl etmədiyini iddia edərək sarsaqlayıb.
Onun sözlərinə görə, “Tramp yolu” layihəsi sənədin özündən daha çox sülh müqaviləsidir. “Biz ABŞ kimi güclü bir dövlətin iştirakından öz xeyrimizə istifadə etməliyik. Amma Bakının tələblərinə cavab olaraq, Paşinyan ABŞ vasitəçiliyini tamamilə dağıdır. Amerikalı həmkarlarımız bilməlidirlər ki, Paşinyan onların vasitəçilik səylərini puça çıxarır”, - deyə ölkəmizə vaxtaşırı şər-böhtan atması ilə tanınan keçmiş omdusman əlavə edib.
Belə bir sərsəm açıqlama əslində elə o anlama gəlir ki, Tatoyan ya vəlvələdən, ya zəlzələdən baş nazir olarsa, sülh müqaviləsi imzalanmayacaq. Yaxud qeyri-müəyyən müddətə təxirə salınacaq. Deməli, Azərbaycanla yeni konfrontasiya riski qalacaq və artacaq. Çünki Rusiya da bunda maraqlı olacaq.
Təəssüf ki, qonşu ölkədə Tatoyan düşüncəsində olanlar az deyil. Hərçənd bu zat özünün və yaratdığı siyasi hərəkatın həm hakimiyyətə, həm də ənənəvi müxalifətə qarşı olduğunu bəyan edib. Həmçinin deyib ki, Paşinyanla keçmiş prezidentlər arasındakı qarşıdurmaya əsaslanan hazırkı siyasi sistemi dağıtmaq lazımdır. Bunun üçün o, eks-prezidentləri “hökumətin alətinə çevrilməmək üçün seçkilərdə iştirakdan çəkinməyə” çağırıb. O, habelə 5 ilə “düşmənlə” (Azərbaycanı nəzərdə tutur - red.) tarazlığa nail olacağına söz verib. “Yalnız güclü ölkə sülhü və ədaləti təmin edə bilər” bildirib.
Göründüyü kimi, onun Azərbaycanla bağlı mövqeyi radikal-revanşistlərinkindən ciddi fərqlənmir. Tatoyanın gözündə “ədalətin” və “tarazlığın” nədən ibarət olduğunu anlamaq üçün isə dərin savad yiyəsi olmağa lüzum yoxdur.
Bu qəbildən iddiaçıların seçkilərdə uğur qazanmaq şansı varmı? “Şər deməsən, xeyir gəlməz”, Bakının fors-major vəziyyətlər üçün hansısa “B planı” mövcuddurmu?
Professor Qabil Hüseynli hesab edir ki, Tatoyan 44 günlük müharibədən hamıya “tanışdır” və onun kimi qorxaqların indi yekəxanalığı ikrah hissi doğurur. Q. Hüseynli Ermənistanda bu qüvvələrin hakimiyyətə qayıdışını gözləmir: “Eçmiədzin seçkiləri göstərdi ki, Paşinyan kilsənin təsiri olan yerdə belə qalib gəlməyi bacardı. Tatoyan isə Paşinyan hakimiyyəti dövründə qısa müddət vəzifə tutub və revanşistlər də onu qəbul etmirlər. Ona görə bu qəbildən sərsəm çıxışlar onların əsl simasını bir daha üzə çıxarır. Yəni onların özlərini rüsvay etməsindən başqa heç bir təsiri yoxdur. Sadəcə, bu mövqedən çıxış edənlər ifşa olunurlar. Erməni cəmiyyəti də şahiddir ki, bu adamlar iqtidarda olsa, ölkəni uçuruma aparacaq. Hazırda sülh prosesi gedir, sərhəddə toqquşmalar yoxdur, erməni anaları görür ki, övladları münaqişə zamanı həlak olmurlar, bundan daha yaxşı nə ola bilər? Tatoyan kimi səviyyəsiz adamlar isə xalqı müharibəyə çağırır. Halbuki insan haqlarının guya müdafiəçisi olub, amma insanlıq və sülh əleyhinə danışır”.
Q.Hüseynli bildirib ki, Tatoyan və digərləri bundan sonra hakimiyyət görməyəcək və pafos dolu bəyanatları da cəmiyyətdə hörmət qazandırmır.
Siyasi təhlilçi Ramiyə Məmmədova isə Ermənistanda Paşinyan əleyhdarlarının gücünün olmadığını müşahidə edir: “Seçki yaxınlaşdıqca xalqa belə xitablar çox olacaq. Bu qruplar iqtidarın devrilməsi üçün revanşist fikirlər səsləndirir. Amma anlamırlar ki, Ermənistanı Azərbaycanla müharibəyə hazırlaya bilməzlər. Onlar hansı ordu və silahla döyüşəcək? Ona görə də belə bəyanatlar cəmiyyəti tərpətməyə hesablanıb, amma ermənilərin 44 gündə aldığı zərbə onlara dərs olub. Təbii ki, seçki ərəfəsində gərginlik artacaq və Paşinyana qarşı ciddi təzyiqlər olacaq. Amma kritik seçkidən qalib çıxan tərəf hazırkı iqtidar olacaq. Tatoyan isə siyasi meyitdir və onun fəaliyyəti ermənilərin diqqətini cəlb etmir. Fikrimcə, bu qüvvələrin vahid şəkildə mübarizəsi də mümkün deyil. Müxalifət bölünmüş vəziyyətdədir və xalq ruspərəst qüvvələri hakimiyyətə qaytarmaq istəmir. Çünki onlar sülh prosesini pozacaqlar. Azərbaycan isə bütün ssenarilərə hazırdır. Əgər revanşistlər hakimiyyətə gələrsə, sülh danışıqlarında pauza yaranacaq. Biz isə ərazi bütövlüyümüzü bərpa etmişik və qoy erməni tərəf hansının daha faydalı olduğuna qərar versin. Onlar sülh düşmənlərini hakimiyyətə gətirməklə Ermənistana qəbir qazmış olacaqlar. Paşinyan isə xalqına sülh və qonşularla normal münasibət təklif edir”.
Dünən, 16:00
İrəvandan sülhlə bağlı mühüm elan – Bir neçə günə imzalanacaq!
Dünən, 15:30
Vaşinqtondan sensasiyalı ssenari: Donbass müqabilində Ukrayna NATO-ya üzv ola bilər
Dünən, 14:22
İrana qarşı yeni hücum ərəfəsində ABŞ Ordusunun əlində nə var? – Mühüm hesabat
Dünən, 13:31
İlham Əliyev: Orta Dəhliz Vyetnam şirkətlərinin region bazarlarına çıxışı üçün əlverişli imkanlar yaradır
Dünən, 13:28
Azərbaycan Prezidenti və Vyetnamın Baş naziri birbaşa aviareyslərin açılması məsələlərini müzakirə edib
Dünən, 12:35
Vyetnam Azərbaycanda səfirlik açacaq
Dünən, 12:27
Deputatlar bu tarixdə toplanır
Dünən, 12:07
Media və Yayım Şurasının müsabiqə qaydaları dəyişir
Dünən, 12:04
Toyda oynamaq üstündə dava düşdü - Xəsarət alanlar var
Dünən, 11:59
Orxan Kəngərliyə narkotik tərkibli dərmanlar satan aptek müdiri də tutuldu
Dünən, 11:44
Bu şəxslər əsgərliyə APARILMAYACAQ
Dünən, 11:36
Gəncə Psixiatriya Xəstəxanasında dəhşətli qətlin ŞOK TƏFƏRRÜATLARI
Dünən, 11:15
Məşhur istirahət mərkəzinin rəhbəri vəfat etdi
Dünən, 11:12
ABŞ-də yaşayan azərbaycanlı aparıcının övladlarının məktəbində bomba təhlükəsi
Dünən, 11:08
Mingəçevirdə mənzildən yüksəkrütbəli zabitin meyiti tapıldı
Dünən, 11:03
İlham Əliyev Hanoyda Vyetnam Milli Assambleyasının sədri ilə görüşdü
Dünən, 10:46
Ağdamda 247 milyon manatlıq istehsal: heyvandarlığın payı açıqlandı
Dünən, 10:19
Prezident İlham Əliyevin Vyetnama səfəri ilə əlaqədar Hanoyun küçələri Azərbaycan bayraqları ilə bəzədilib
Dünən, 10:15
İlham Əliyevin Vyetnamın Baş naziri ilə görüşü olub
Dünən, 09:41
İlham Əliyev Hanoyda Ho Şi Minin məqbərəsini ziyarət edib
Dünən, 09:13
Qarakənd faciəsindən 35 il ötür
Dünən, 09:00
Ağdamın işğaldan azad olunmasından 6 il ötür
19-11-2026, 16:00
Yeni il sevinci ailələrə neçəyə başa gələcək? — Xərclər açıqlandı
19-11-2026, 15:30
Britaniya hökuməti: Rusiyanın dərinliklərini vurmaq üçün Ukraynaya bunları veririk
19-11-2026, 15:15
İlham Əliyev Vyetnam Xəbər Agentliyinə müsahibə verib - Tam mətn
19-11-2026, 14:22
Erməni revanşistlərə ŞOK təklif – Bakının O tələbi...
19-11-2026, 14:00
"Qiyamət günü" TƏŞVİŞİ: Amerikalılar mağazalara HÜCUM ÇƏKDİ, generator və ərzaqlar TÜKƏNDİ