Ərəblərdən savayı Azərbaycana bu turistlərin də axını olacaq

Prezident Şuşada keçirilən beynəlxalq konfransın iştirakçılarına - Müraciət ünvanladı

Qardaşlığımızın möhürlənməsinin beşinci ili

Prezident İlham Əliyevin sosial şəbəkə hesablarında Qurban bayramı münasibətilə paylaşım edilib

Prezident müşavirə keçirib - FOTOLAR

İlham Əliyev: WUF13-ə ev sahibliyi etmək bizim üçün böyük şərəfdir

İlham Əliyev "Euronews" televiziyasına müsahibə verib

Prezident və TDT-nin qeyri-rəsmi Zirvə görüşünün digər iştirakçıları Türküstanda bir sıra mədəni məkanlarla tanış olublar

İlham Əliyev Türküstanda TDT-nin qeyri-rəsmi Zirvə görüşündə iştirak edir

Ərəblərdən savayı Azərbaycana bu turistlərin də axını olacaq

Iqtisadiyyat

Oxunub: 779

14 sen 2017 | 10:42

"Azərbaycana gələn turistlərin sayı artıb. Bunu gözlə də görmək olur. Bu artım bizi qane edir. Qane etməyən bir şey var ki, əhalimiz, vətəndaşlarımızın hamısı özünü hələ ki, turizm sənayesinin tam üzvü hesab etmir. Bəzi hallarda turistləri aldadırlar. Xüsusən də restoranlarda və nəqliyyatda.

Digər tərəfdən, bəzi insanlar bu rəngarəngliyi qəbul etmir. Hətta cəmiyyətdə bir qism insanlarda ksenofobiya da var. Yəni çoxlarında göz əsasən avropalılara, MDB ölkələrindən gələnlərə öyrəşib, amma ərəblərə yox. Ona görə də cəmiyyətin bir hissəsində onlara qarşı, ələlxüsus, milli-dini geyimdə olanlara fərqli yanaşma var. Bax, bu məsələ ümumi işimizə mane olur".

Bu barədə Milli.Az-a açıqlamasında Milli Turizm Təbliğatı Bürosunun mətbuat katibi Kənan Quluzadə deyib.
Büronun sözçüsü qeyd edib ki, hamı elə bilir ki, ərəblər Azərbaycana birdən-birə gəlib, amma əslində elə deyil: "Bu, uzun illərdir görülən sistemli işin, həyata keçirilən tədbirlərin nəticəsində baş verib. Sadəcə qapılarımıız turistlərin üzünə indi geniş açılıb və onlar da gəlməyə başlayıblar. Əvvəllər infrastruktur hazırlanırdı. Yolların çəkilməsi, otellərın tikilməsi, hava limanlarının açılması və s. hamısı şərt idi. Bunlar edildi və daha sonra turistlərin axını başladı. İndi qarşıya Azərbaycana 4,5 milyon turist cəlb etmək vəzifəsi qoyulub. Onları də qəbul etmək üçün müvafiq infrastruktur yaradlacaq".

K.Quluzadənin sözlərinə görə, cəmiyyətin bir qismindəki bu mənfi yanaşmanı aradan qaldırmaq üçün tədbirlər görüləcək: "İndi biz Çin istiqamətində xüsusi iş aparırıq. Biz Cənubi Çin aviaşirkəti ilə birgə Azərbaycana Çinin ən çox tanınmış 10 səyahətçi bloqerlərini gətirdik. Onlar Azərbaycanı gəzdilər, burda çəkilişlər apardılar, maraqlandılar, vəziyyətlə yerindəcə yaxından tanış oldular. Yəni biz hazırda sosial şəbəkələr səviyyəsində təbliğat aparırıq. Çin isə il ərzində dünyaya 135 milyon turist verir. İndi biz çinliləri bura cəlb edəcəyik. Bəs onda cəmiyyətdəki həmin insanlar nə edəcək? Biz cəmiyyətimizdə deyilən o tolerantlığımızı həm sözdə, həm də əməldə göstərməli, rənagrəngliyə öyrəşməliyik. Dünya rəngarəngdir və artıq dünya Azərbaycana gəlir. Bu öyrəşməni də təbii ki, təbliğat və maarifləndirmə yolu ilə etməliyik. Biz KİV-lər vasitəsilə bu işi güclədirməyi planlaşdırırıq. Bu yaxınlarda artıq Milli Turizm Təbliğat Bürosunun özünün hazırladığı xüsusi televiziya və radio verilişləri olacaq. Bundan əlavə, sosial şəbəkələrdə də təbliğat işləri davam etdiriləcək".