Gizli bahalaşma

Prezident onları təltif etdi - FOTO

Ermənistanda hərbi qiyam və çevriliş ssenarisi önə çıxır: Qarabağ klanı ordunu İrəvanın "işğal"ına çağırır

Əliyev - Putin görüşməsinə dair yeni və heyrətamiz görüntülər - Rusiya mediası İNDİ YAYDI - VİDEO

Entoni Blinken Prezident İlham Əliyevə zəng edib

Bakı “soyuq müharibə”dən çəkinmir: Azərbaycanı hədəf alan dövlətlərə sərt xəbərdarlıq edilib

Prezident İlham Əliyevin Almaniyaya işgüzar səfəri başa çatıb - FOTO

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Gizli bahalaşma

Iqtisadiyyat

Oxunub: 27 920

23 yan 2017 | 05:49

Ölkədə durmadan bahalaşma davam edir. Ölkəyə idxal olunan məhsulların qiymətində artım daha fantastik müşahidə olunur

Bu haqda Politika.Az-ın İqtisadiyyat Şöbəsinə verilən xəbərdə deyilir ki, əhalinin məişətdə istifadə etdiyi malların da qiyməti qalxıb.

Hazırda marketlərdə, mağazalarda gündəlik tələbat mallarından olan sabun, şampun, lezva, birdəfəlik üzqırxan (cilet, maks), tualet kağızı, salfetka, qabyuyan şampun (feyri, bello), ləkətəmizləyən (cif), yuyucu toz və digər bu kimi malların qiyməti 70-90 qəpik qalxıb.

Hətta şampun və yuyucu tozlarda 1 manata qədər bahalaşma qeydə alınıb. Bu isə bütün evlərə zəruri olan məhsullardır. Onların qiymətinin qalxması ciddi şəkildə ailə səbətinə zərbədir.

Çünki hər ay və hər həftə bu mallardan istifadə olunur. Nəticədə istər orta təbəqə, istərsə yoxsul zümrənin ailə büdcəsinə böyük bir yük düşüb. Çünki elə bir ev yoxdur ki, bu mallardan istifadə etməsin.

Politika.Az-ın İqtisadiyyat Şöbəsinə verilən xəbərdə deyilir ki, marketlərə, mağaza sahiblərinə qeyri-rəsmi tapşırıq gəlib. Onlara göstəriş verilib ki, qiymət artımı sakit və mərhələli şəkildə həyata keçirilsin.

Bununla da əhalidə panika və ajiotaj yaranmasın. Nəticə etibarı ilə istehlakçı hər gün mağazaya daxil olanda yeni tariflərlə qarşılaşır. Bu zaman heç bir etiraz etmək imkanı yaranmır və hökumət köhnə təcrübədən nəticə çıxarıb.

Əvvəlki devalvasiyalarda panika yaşanmışdı. Bütün marketlərin qapıları qıfıllanmışdı vitrinlər boşaldılmışdı, yeni tariflər maların üzərinə vurulmuşdu.

Hazırda yeni siyasət yürüdülür və səssiz-səmirsiz şəkildə bahalaşma dalğası bütün sahələri bürüyür. Yuxarıda qeyd etdiyimiz mallar da bahalaşıb. Əslində benzinin bahalaşması, tam üzən məzənnəyə keçid bahalaşma yaradacağına əsas verirdi.

Digər tərəfdən, “Azərsun” holdinq və başqa istehsalat müəssisələri də qiymət artımına yol verib. Qiymətlərin bazarlarda tənzimlənməsi üçün dərhal dövlət müdaxilələr olmalıdır.

Antiböhran tədbirlərinin ləng getməsi nəticəsində iri mağazalar, dükanlar, yarmarkalar müflisləşir, bağlanır, minlərlə insan iş yerlərini itirir.