Mərkəzi Bank şok rəqəm açıqladı: 1 milyard manat

Prezident onları təltif etdi - Sərəncam

Prezident Rüfət Mahmuda yüksək vəzifə verdi

İlham Əliyevin Somali Prezidenti ilə lanç əsnasında geniş tərkibdə görüşü olub

İlham Əliyev Məsud Pezeşkianı təbrik edib

İlham Əliyev Ərdoğana başsağlığı verib

İlham Əliyev “Vətən” İdman Liseyində - FOTO

Azərbaycan Prezidenti İsrail İqtisadi Forumunun həmtəsisçisini qəbul edib

Prezident yeni təyin olunmuş səfirin etimadnaməsini qəbul edib

Mərkəzi Bank şok rəqəm açıqladı: 1 milyard manat

Iqtisadiyyat

Oxunub: 1 983

4 okt 2014 | 15:31

Mərkəzi Bank şok rəqəm açıqladı: 1 milyard manat

Azərbaycanda qaytarılmayan kreditlərin həcmi psixoloji həddi aşır

Azerinfo Bizimyol.info-ya istinadən xəbər verir ki, müştərilər tərəfindən banklara qaytarılmayan kreditlərin həcmi rekord səviyyəyə çatıb. Azərbaycan Mərkəzi Bankının (AMB) sentyabrın 1-nə olan məlumatına görə, problemli kreditlərin həcmi 938,8 milyon manatdır. 17,3 milyard manatlıq kredit portfelinin 5,4 faizini təşkil edir ki, bu da ötən aya nisbətən 0,1 faiz artıb. Beləliklə, hər 18 manatlıq kreditin 1 manatı qaytarılmayan borcdur. Və ya son doqquz ay (yanvarın 1 - sentyabrın 1-nə olan məlumata əsasən) ərzində vaxtı keçmiş kreditlər 146 milyon manat olmaqla, qlobal maliyyə böhranından sonra ən yüksək göstərici sayıla bilər. Halbuki, ötən il bu artım tempi cəmi 29 milyon manat təşkil edib. Amma cari ildə təkcə son iyul-avqust aylarının göstəricisnə görə, əhalinin banklara olan borclarının həcmi bir ayda 38,7 milyon manat yüksəlib. Ümumi kredit portfelində bütün məhdudiyyətlərə baxmayaraq, yenə də əsas üstünlük istehlak kreditləri təşkil edir. Belə ki, bü cür kreditlər portfeldə 41 faiz təşkil edib. Beləliklə, portfeldə kredit qoyuluşları aşağıdakı kimi bölünür:

Ticarət və xidmət sektoruna 2,4 milyard manat və ya 14,4 faiz
Energetika, kimya və təbii ehtiyatlar sektoruna 225,1 milyon və ya 1.3 faiz
Kənd təsərrüfatı və emalına 786,4 milyon və 4.5 faiz
İnşaat və əmlaka 2,3 milyard və ya 13.7 faiz
Sənaye və istehsal sektoruna 2 milyard və ya 11.6 faiz
Nəqliyyat və rabitə - 586,5 milyon və ya 3.4 faiz
Ev təsərrüfatına (istehlak kreditləri) 7,1 milyard və ya 41 faiz

Qeyd edək ki, ilin əvvəlindən etibarən Azərbaycan Mərkəzi Bankı tərəfindən ölkə banklarına qarşı avtomobil və istehlak kreditlərinin verilməsinə dair məhdudiyyətlər tətbiq edilib. Qurumun belə bir tələb irəli sürməsinin başlıca səbəblərindən biri bankların kredit portfelinin keyfiyyətinin pisləşməsi, problemli kreditlərin artması idi. AMB-ni narahat edən məsələ kredit portfelində istehlak kreditlərinin riskli həddə çatmasıdır. Amma qaydaların sərtləşdirilməsi problemin həllinə deyil, daha da ağırlaşmasına gətirib çıxarıb. Mərkəzi Bankın statistik bülleteninə əsasən, zərərlə işləyən banklarnı sayında dəyişiklik baş verməyib. Belə ki, hazırda onların sayı 8-dir. Ləğv etmə ərəfəsində olan bankların sayı isə 5 göstərilir.