Şəmkir rayonunun Qaracəmirli kəndində müəmmalı yanğınlar davam edir. Bu dəfə sözügedən kənddə ot bağlaması deyil, istixana yanıb. Kəpəz TV (Region TV) xəbər verir ki, bu gecə saat 04:45 radələrində Şəmkir rayon Dövlət Yanğından Mühafizə Hissəsinin 125 saylı bölməsinə Qaracəmirli kənd sakini Gülyaz Əhmədovaya məxsus istixanada yanğın baş verməsi barədə məlumat daxil olub. Dərhal hadisə yerinə bölmənin canlı qüvvəsi və texnikası cəlb olunub. Görülən qabaqlayıcı tədbirlərə baxmayaraq, ümumi sahəsi 800 kvadratmetr olan istixananın 15 kvadratmetrlik polietilen tərkibli örtük hissəsi yanıb. İstixananın qalan hissəsi yanğından mühafizə olunub. Yanğının baş vermə səbəbləri araşdırılır.