Şəki və Şirvanda yol qəzaları baş verib. Nəticədə 2 nəfər müxtəlif dərəcəli bədən xəsarətləri alıb.

Bu gün səhər saat 08:10 radələrində Qaraməryəm-İsmayıllı-Şəki magistral yolunun 140-cı kilometrliyində, Şəkinin Küngüt kəndi ərazisində yol qəza hadisəsi baş verib. Qəza zamanı Şəkinin Aşağı Daşağıl kənd sakini Əhməd İbrahimxəlilov idarə etdiyi "VAZ-2109" markalı avtomobillə şəhər istiqamətində hərəkətdə olarkən, idarəetməni itirərək avtomobili yolun kənarındakı ağaca çırpıb. Nəticədə avtomobildə tək olan sürücü müxtəlif dərəcəli bədən xəsarətləri alıb. Xəsarət alan şəxs yoldan keçənlərin köməyi ilə Şəki Rayon Mərkəzi Xəstəxanasına çatdırlıb. Qəzanın baş verməsinə səbəb havanın dumanlı və yerin sürüşkən olması ehtimal edilir.

Şirvanda da avtoqəza baş verib. Şəhərin "Köhnə şəhər" yaşayış massivində, Şirvan şəhər sakini 30 yaşlı Natiq Xankişiyev idarə etdiyi "VAZ 2106" markalı avtomobillə sürətlə ötmə əməliyyatı zamanı, Masallı rayonu, Musaküçə kənd sakini 25 yaşlı Elçın Qasımovun idarə etdiyi "DAF" markalı avtomobil-treylerin qoşqusunun arxa təkərinə çırpılıb. Nəticədə "VAZ 2106"-nın sürücüsü müxtəlif dərəcəli bədən xəsarətləri alaraq Şirvan şəhər xəstəxanasına yerləşdirlib. Avtomobil isə təmamilə yarasız hala düşüb.

Hər iki faktla əlaqədar araşdırma aparılır.

kepeztv.az