Yevlax-Zaqatala-Gürcüstan yolunun 18-ci km-də qəza hadisəsi baş verib. Gəncə şəhər sakini Vüqar Abışov idarə etdiyi "Vaz 21015" markalı avtomobillə Yevlax istiqamətində hərəkətdə olarkən qəfil idarəetməni itirib. Nəticədə avtomobil yoldan çıxaraq bir neçə dəfə aşıb. Qəza zamanı sürücü xəsarət almasa da, avtomobildə olan sərnişin İbrahimov Zaur məzahir oğlu müxtəlif dərəcəli bədən xəsarətləri alıb. Yaralı Şəki Təcili və Təxirəsalınmaz tibbi yardım stansiyasına yerləşdirilib. Vəziyyəti orta-ağır hesab edilir. Faktla bağlı Şəki Şəhər rayon Polis Bölməsində araşdırmalar aparılır. Hadisənin dəqiq səbəbləri aparılan araşdırmalardan sonra məlum olacaq.

Xaçmazda da yol nəqliyyat hadisəsi qeydə alınıb. Bakı şəhər sakini İbrahim Musayev idarə etdiyi "Lexus" markalı avtomobillə qəza törədib. Qəza zamanı xəsarət alan olmasa da, avtomobilə ciddi ziyan dəyib. Sürücü idarəetməni itirərək öncə yol kənarındakı şam ağaclarına çırpılıb, daha sonra isə yol kənarında hərəkətsiz vəziyyətdə olan yük avtomobili ilə toqquşub. Hadisənin dəqiq səbəbləri aparılan avtotexniki ekspertizadan sonra bilinəcək.
Lənkəran-Lerik yolunun 1-ci km-də 3 avtomaşının toqquşması ilə nəticələnən avtoqəza qəza baş verib. Lənkəran rayon sakinləri Tural Cəfərovun idarə etdiyi "Vaz 21011", İlqar İsmayılovun idarə etdiyi "Vaz 21015", Emil Qasımovun İdarə etdiyi "Mercedes" markalı avtomaşınlar toqquşub. Qəza nəticəsində hər 3 avtomobilə ciddi ziyan dəyib. Müxtəlif dərəcəli bədən xəsarətləri alan "Vaz-21011"-in sürücüsü 31 yaşlı Tural Cəfərov Lənkəran rayon Mərkəzi Xəstəxanasının travmatologiya şöbəsinə yerləşdirilib. Həkimlər yaralının vəziyyətini orta-ağır qiymətləndirir. Hadisənin baş vermə səbəblərinə gəlincə isə "Vaz 21011"-in "Mercedes"in yoluna çıxması göstərilir. Faktla bağlı Lənkəran rayon polis şöbəsində araşdırma aparılır.

kepeztv/az