Cənubi Koreyanın “Samsung” şirkəti son bir il ərzində işçilərinin sayını 5 354 nəfər ixtisar edib.

İKT.lent.az-ın “ixbt.com” saytına istinadən verdiyi məlumata görə, Cənubi Koreyanın Maliyyə Nəzarəti Xidməti (The Financial Supervisory Service) bildirib ki, bu ilin sentyabr ayında “Samsung” şirkətinin işçilərinin sayı 212 331 nəfər təşkil edib.
Bundan başqa, bu ilin sentyabr ayında Cənubi Koreya şirkətinin öz əməkdaşlarının 10 faizini də ixtisar etmək niyyətində olduğu ilə bağlı yayılan məlumatları nəzərə alsaq, ixtisarların davam etdiyini və hazırda şirkətin ştatında daha az işçinin olduğunu demək mümkündür.
Sentyabrda güman edilirdi ki, “Samsung” şirkəti xərclərini ikiqat azaldacaq və reklamda qənaət edəcək.
Mənbə qeyd edir ki, bu ixtisarlar əsasən smartfon satışının aşağı düşməsi səbəbindən baş verir. İxtisara düşən əməkdaşların böyük hissəsi “Samsung Display” və “Samsung Electronics” bölmələrində çalışıb. Həmçinin “Samsung Engineering”, “Samsung Card” və “Samsung Securities”bölmələri ixtisar edilməsinə məruz qalıb.
Bu ilin sentyabr ayı tarixinə “Samsung Electronics” bölməsində 98 577 insan çalışıb. “Samsung Display” bölməsinin ştatı isə 25 599 əməkdaş təşkil edib.