ABŞ-da Respublikaçılar Partiyasının tanınmış nümayəndələrindən biri İranın ali dini lideri Əli Xameneiyə sərt və qalmaqallı müraciət edib.

ABŞ Konqresinin Nümayəndələr Palatasında Texas ştatını təmsil edən respublikaçı Pat Fallon Xamenei və onun ətrafına “mümkün qədər tez İranı tərk etməyi” tövsiyə edib.

Amerikalı qanunverici İranda yaranmış kritik vəziyyətə və ölkə miqyasında genişlənən etiraz aksiyalarına diqqət çəkərək bildirib ki, zaman artıq İslam Respublikasının rəhbərliyinin əleyhinə işləyir. Fallonun fikrincə, ölkəni tərk etmək onlar üçün son çıxış yolu ola bilər.

Pat Fallonun bu açıqlamaları İranın müxtəlif şəhərlərində davam edən etirazlar və tətillər fonunda səslənib və Vaşinqtondan Tehrana yönələn ən sərt siyasi mesajlardan biri kimi dəyərləndirilir.