Avropa liderləri hesab edirlər ki, Ukrayna ABŞ-dan təhlükəsizlik zəmanəti almadan Rusiyanın tələbləri ilə razılaşmamalıdır.

Məlumatı The Wall Street Journal (WSJ) mənbələrə istinadən yayıb. Mənbələrə görə, bu məsələ Ukrayna prezidenti Vladimir Zelenski ilə Fransa prezidenti Emmanuel Makron, Almaniya kansleri Fridrix Merts və Avropa Komissiyasının prezidenti Ursula fon der Lyayen də daxil olmaqla Avropa liderləri arasında 1 dekabrda telefon danışığı zamanı müzakirə olunub. Onlar Ukrayna üçün təhlükəsizlik zəmanətlərinin təmin edilməsində əsas rolun Vaşinqtona həvalə edilməsində israr ediblər. Avropa liderləri hesab edirlər ki, ABŞ "Rusiyanın tələbləri ilə razılaşmazdan əvvəl" bu məsələ ilə bağlı mövqeyini aydın şəkildə aydınlaşdırmalıdır.

Daha əvvəl Almaniyanın "Der Spiegel" jurnalı Avropa liderləri ilə keçirilən telekonfransdakı danışıqlardan parçalar dərc etmişdi. Həmin danışıqlarda liderlər Ukrayna danışıqlarında ABŞ və Amerika nümayəndə heyətini tənqid ediblər. Merz bildirib ki, Zelenski "yaxın günlərdə son dərəcə diqqətli olmalıdır". Makron isə ABŞ-ın "təhlükəsizlik zəmanətlərini dəqiqləşdirmədən ərazi məsələsində Ukraynaya xəyanət edəcəyi" ehtimalını irəli sürüb.