Çin dənizlərdə gücünü artırmaq üçün dünyanın ilk nüvə partlayışına davamlı üzən tədqiqat platformasını inşa edir.

Valyuta.az xəbər verir ki, 86 min tonluq, iki gövdəli bu nəhəng konstruksiya 238 nəfərin 4 ay ərzində fasiləsiz qalması üçün nəzərdə tutulub. 2028-ci ildə istifadəyə verilməsi planlaşdırılır.

Platforma xüsusi hazırlanmış “sandviç material”la qorunur və nüvə dalğasına dözümlü hesab olunur. O, dərin dəniz tədqiqatları, mədənçiliyi və müşahidə missiyaları üçün istifadə ediləcək.

Çin eyni zamanda sualtı stansiyalar, dərinlikdə data mərkəzləri və enerji hasilatı obyektləri də qurur.

Bu layihələr Pekinin dənizlərdə uzunmüddətli strategiyasının bir hissəsi kimi qiymətləndirilir və ABŞ üçün yeni geopolitik təzyiq yaradır.