İkinci Qarabağ müharibəsində bir ayağını itirən qazi Novruz Novruzov Prezidentə şikayət ərizəsi yazıb.

Əslən Cəbrayıl rayonundan olan qazi Novruzov Novruz Malik oğlu adıçəkilən rayonun rəhbərliyini rüşvətdə ittiham edib:

Dia.az gununsesi.info-ya istinadən həmin müraciəti təqdim edir:

"Bildirirəm ki, mən ikinci Qarabağ savaşında Ağdərə istiqamətində gedən döyüşlərdə sağ ayağmın dizdən aşağı hissəsini itirdim. Təsüüfflər olsun ki, şəhidlik zirvəsinə ucala bilmədim. Baxmayaraq ki, döyüş yoldaşlarımdan çox sayda şəhidlər verdik.

Qazi olduğum üçün ordu sıralarından xaric oldum. Ayağımı itirməyim nəticəsində heç bir özəl sektorda çalışa bilmirəm.

Cənab prezident, sizin qazilərə göstərdiyiniz yüksək qayğını daima hiss etmişik, lakin Cəbrayıl rayon İcra hakimiyyəti sizin bu qayğınıza kölgə salmağa çalışır. İcra başçısı və onun müavinləri, bir ayağını itirmiş qazi olmağıma baxmayaraq, bir dəfədə olsa bizə baş çəkməyə və ya hər hansı bir dəstək olmağa çalışmayıblar. İcra başçısından qayğı umduğum halda, nəyinki qayğı, heç qəbuluna belə buraxılmadım.



İşlə təmin olunmağım barədə dəfələrlə İcra hakimiyyətinə müraciət etməyimə və ali təhsilli olmağıma baxmayaraq, məni işlə təmin etmirlər. Müraciətimə rəsmi cavab olaraq bildirilər ki, Sizə veriləcək boş vakansiya yoxdur. Halbuki, Cənab Prezident sizin diqqət və yüksək qayğınız sayəsində Cəbrayıl rayon İcra hakimiyyətində Şəhid ailələri və qazilərin işləri üzrə şöbə yaradılması haqqında sərəncam verilmişdiniz və həmin şöbədə iki vakant boş iş yeri mövcud idi. Əgər icra hakimiyyəti məni işlə təmin etməmək üçün dolayı yollardan istifadə edib imtina verisə, hansı müəssə məni işlə təmin edər ki.

Sizin sərəncamınızla İcra hakimiyyətində yaradılan Yeni şöbəyə kadrın seçilməsində Şəhid ailə üzvləri və ya qazilərdən təyin edilməli olduğu hallda, bir müəllimi öz vəzifəsindən çıxararaq bu şöbəyə müdir təyin etdilər. Fikirimcə burda rüşvət halları mövcutdur.



Yazıb sizdən xahiş edirəm ki, İkinci Qarabağ müharibəsində bir ayağımı itirərək qazi olmağımı nəzərə alaraq Cəbrayıl rayon İcra hakimiyyətində baş verən özbaşınalıqları araşdırıb və mənim işlə təmin olunmağıma köməklik edəsiniz".

P.S.S: DogruXeber.az İnformasiya agentliyi hər zaman olduğu kimi KİV haqqında qanunları rəhbər tutur. Elə bu qanunlara əsasən də Cəbrayıl rayon İcra Hakimiyyəti başçısı Kamal Həsənovun mobil nömrəsi ilə əlaqə saxlamağa çalışdıq, lakin telefon sönülü olduğu üçün onun məsələyə münasibətini öyrənə bilmədik. Belə olduğu təqdirdə biz İcra Hakimiyyətinin internet saytında yerləşdirilən əlaqə nömrəsi vasitəsilə Başçının müavini - İctimai-Siyasi və humanitar məsələlər şöbəsinin müdiri İbayeva Fəridə Məmmədəli qızı ilə əlaqə saxladıq.
Fəridə xanım qazi N.Novruzun narazılığını aqressiv şəkildə təkzib etdi və bildirdi ki, "dəfələrlə şəxsən mən özüm və digər müavinlər onların evində olmuşuq, yardım göstərmişik."
Əslində Fəridə xanım bu cavabı ilə özü də bilmədən N.Novruzun fikirlərini təsdiqləmiş oldu ki, Kamal Həsənov özü deyil, müavinləri qazi ilə görüşür.
"Kamal müəllim neçə dəfə görüşüb?" sualımıza da "bir dəfə qəbrəstanlıqda görüşüb" cavabını verdi.
Bəli, Novruz da öz müraciətində təxris olunduğu gün şəhid məzarını ziyarət edərkən təsadüfən başçının da şəhidlər xiyabanında olduğunu qeyd etmişdi.
Bizim "Kamal müəllim Novruzu ziyarət edibmi?" Sualımıza isə Fəridə xanım çox aqressiv bir şəkildə şəkildə "ay xanım, o başçıdı ee. O hər yerə özü getməli deyil. Biz gedib görüşürük"cavabını verdi.
Maraqlıdır. İcra başçısı nə üçündür?
Dövlət Başçısı onları nə üçün vəzifəyə təyin edib?
Dövlət Başçısı şəxsən özü vaxt ayırıb, gedib qaziləri və yaralıları hospitallarda ziyarət etdiyi halda, onun vəzifəyə təyin etdiyi İcra Hakimiyyəti başçısının müavini deyir ki, "başçının 80 min əhalisi var, onun da filan qədər qazisi var. Başçı bir dəfə Novruzla görüşə bilər, onu da görüşüb."
Fəridə xanımın sözündən belə çıxdı ki, N.Novruzovun artıq "başçıyla görüş limiti" bitmişdir. Eyni zamanda diqqət etdinizsə bu ifadəsilə Fəridə xanım Cəbrayıl rayonunu ümumilikdə "Kamal Həsənov" adlandırdı. "Başçının 80 min əhalisi var" deməklə İcra başçısının vəzifəsini bu qədər şişirdən dövlət məmuru bu ifadəni səsləndirərkən, 10 milyonluq əhalisi olan Azərbaycanı idarə edən Dövlət Başçısını unutdu sanırıq.
Hansı ki, dövlət başçısı xalqa xidmət etmələri üçün rayonlarda İcra Hakimiyyəti başçısı təyin edir və vəzifəsinin icrası müqabilində onlara Dövlət büdcəsindən əmək haqqı ayırır.
Çox təəssüflər olsun ki, əmək haqqını "zəhmətinin haqqı" olaraq qəbul edən bir çox İcra başçıları aldıqları maaşı haqq edəcək zəhmət çəkmir, əksinə sakinlərin xidmətlərindən yararlanmağa çalışırlar.

Redaksiyamız hər kəsin söz haqqını tanıyır.


İmza: qazi Novruzov Novruz
əlaqə: 051 975 33 30