Deyəsən belə bir gedişlə Ramiz Pirverdiyevin rəhbərlik etdiyi xəstəxananın həyətində "Dubay" malları da satılacaq





Bir müddət bundan əvvəl, Gədəbəy rayon Mərkəzi Xəstəxanasının baş həkimi Ramiz Pirverdiyevin qol qoyduğu maxinasiyalardan bəhs etmişdik. Yazıb bildirmişdik ki, baş həkim olaraq o, nəinki idarəçiliyində, hətta nəzarətində olduğu digər sahələrdə də əməlli-başlıca qanunsuzluqlara qol qoymaqdadır. Məsələn, informasiya mərkəzimizin əməkdaşı bir müddət bundan əvvəl adı çəkilən xəstəxananın giriş hissəsində yerləşən yeməkxanada olarkən, belə bir məlumat əldə edə bilir ki, həmin yeməkxana Ramiz həkimə məxsusdur. Əldə olunan məlumatın nə dərəcədə dəqiq olub-olmaması barədə bir söz deyə bilməsək də, deyəcəyimiz söz o olacaq ki, həmin yeməkxanada satılan spirtli içkilərin "aksız markası" olmayıb. Belə olan halda məcbur olduq ki, bu haqda vergi orqanlarına yazılı məlumat verək ki, qeyd olunan ünvanda yoxlama aparıb, sadalanan faktın həqiqiliyini aşkara çıxara bilsinlər. Bəli, ünvanlanan müraciət əsasında həmin yeməkxanada yoxlama aparılarkən məlum olur ki, həqiqətən də sadalanan fakt düzdür. Belə olan təqdirdə ünvan sahibi qanunvericiliyin tələbi əsasında, müəyyən olunmuş qaydada cərimə olunur və bu haqda da yazılı cavab əldə etmişik.
Bir müddət keçdikdən sonra əməkdaşımızı Gədəbəy rayonuna təkrar ezam etdik ki, bu dağlıq rayonu haqda daha ətraflı məlumatları əldə edə bilsin. Bəzi kəndlərdə, qəsəbələrdə, iri yaşayış məntəqələrində və.s olduqdan sonra, əməkdaşımızın rayonun mərkəzi xəstəxanasına baş çəkməsi, onun müdhiş bir olayla üz-üzə qalmasına səbəb olur. Əməkdaşımız görür ki, həmin günün səhər saatlarında xəstəxananın giriş qapısında əməlli-başlıca bazar açılıb. Yəni, bir satıcı xəstəxananın giriş qapısının bir tərəfində dayanıb xırdavat malları satır, başa birisi balıq alveri edir, digərləri isə xəstəxananı otaq-otaq gəzib özlərinə müştəri axtarmaqdadırlar.
Ümumi mənzərənin çəklişini çəkib şəklişi informasiya mərkəzimizə çatdıran əməkdaşımız bildirir ki, Gədəbəy rayon Mərkəzi Xəstəxanasının həyəti səhər saatlarında sanki kolxoz bazarına bənzəyir. Alan kim, satan kim, hay-həşir edən kim! Yəni xəstəxananın həyətində paraşokdan tutmuş balığa qədər nə istəsən ala bilərsən. Əslində satıcıların xəstəxananın həyətinə �köç� etmələrinin özəl səbəbləri var. Bu onunla bağlıdır ki, mal satan satıcılar həmişə çalışırlar ki, �jirnı� alıcı əldə edə bilsinlər. Belə bir alıcılar da Gədəbəy rayon Mərkəzi Xəstəxanasında. Çünki, bu xəstəxanada çalışan hər kəs, xəstəxanaya üz tutan xəstəni elə "soyur" ki, onun nəinki əti, hətta qanı belə qalmır. Bu yolla ciblərini "qalın" edənlər, satıcılar üçün "jirnı" alıcıya çevrilirlər. Sözsüz ki, onların da, "jirnı" alıcıya çevrilmələrinin kökündə Ramiz həkimin yaratdığı şərait, tətbiq etdiyi "bezpredel" idarəçilik durur.
Maraqlı haldır ki, görəsən nə vaxtdan mərkəzi xəstəxananın həyətində xırdavat mallardan tutmuş paraşok, balıq və.s kimi məhsulların satışına icazə verilməsi haqda rəhbərliyin qərarı verilib. Yoxsa, belə bir addımın atılması Ramiz həkimin daxili qərarıdır. Bax bu haqda düşünmək, bir qədər götür-qoy etmək gərəkdir ki, yaşanan olaylardan az-şox xəbər tutmaq mümkün olsun. Yoxsa, bizi də �jirnı� alıcı axtarışında olan satıcılar həmin ünvanda satarlar.
Ətraflı və geniş açıqlamalarımızı yaxın günlərdə oxuya bilərsiniz.