“Hafka” kimi tanınan iş adamı Hafiz Məmmədovun yeni problemi yaranıb. “Reytinq” qəzetinin yaydığı məlumata görə, Hafiz Məmmədova bu dəfə Sahibkarlığa Kömək Milli Fondu problem yaradıb

Məlumatda deyilir ki, illər əvvəl Hafiz Məmmədov fonddan böyük məbləğdə kredit alıb. Bildirilir ki, artıq müflisləşən iş adamı həmin krediti ödəyə bilmir. Bu baxımdan da tərəflər arasında gərginlik yaranıb. “Vəziyyət o qədər kritik xarakter alıb ki, artıq Sahibkarlığa Kömək Milli Fondu Hafiz Məmmədovun oğlanlarının nəzarətində olan Bank of Azeribaijan” ASC-ni məhkəməyə vermək məcburiyyətində qalıb”,- deyə qəzet yazır.
Məlumatda daha sonra bildirilir ki, Sahibkarlığa Kömək Milli Fondunun “Bak of Azeribaijan”a qarşı iddiasına 1 saylı Bakı İnzibati-İqtisadi məhkəməsində baxılıb. Lakin məhkəməni qərarı mübahisəyə son qoya bilməyib. Qərardan apellyasiya şikayəti verilib: “Şikayət bir neçə gün əvvəl Bakı Apellyasiya Məhkəməsində hakim Vidadi Məmmədovun sədrliyi ilə araşdırılıb. Hakim bankın hseablarına yönələn sanksiya və digər tələbləri rədd etsə də, borcun ödənilməsi barədə tələblərin ödənilməsini qismən də olsa təmin edib. Bu qərarın tərəfləri nə dərəcədə qane etdiyi yaxın həftələrdə bilinəcək”.