Onlar barəsində məlumat İnterpolun saytında yerləşdirilib

Azərbaycanda vergidən yayınan daha iki nəfər beynəlxalq axtarışa verilib.

Azerinfo.az-ın məlumatına görə, bu barədə İnterpolun saytında məlumat yerləşdirilib.

Məlumatda qeyd olunur ki, 37 yaşlı Fərid Quliyev və 34 yaşlı Emin Ağalarov külli miqdarda vergi ödəməkdən yayınmaqda təqsirləndirilirlər. Ölkəni tərk etdikləri üçün onların barəsində dövlətlərarası axtarış elan edilib.

Hazırda onların saxlanılması istiqamətində əməliyyat-axtarış tədbirləri davam etdirilir.

Qeyd edək ki, Fərid Quliyev Azərbaycanda elektron malların satışı üzrə Computex mağazalar şəbəkəsinin rəhbəridir.