2015-ci il DSMF proqnozlarında büdcənin 3 milyard olacağı gözlənilir

Xəbərçi “2006-2014-cü illərdə neft qiymətlərinin dəyişimi müşahidə edilsə də DSMF gəlirləri artmağa davam edib”.
Azerinfo.az-ın ANS PRESS-ə istinadən yaydığı məlumata görə, bunu DSMF-nin şöbə müdiri Fərid Baxşıyev “Sosial sığorta müavinətlərinin ödənişinin avtomatlaşdırılması” adlı tədbirdə çıxışında deyib.

O bildirib ki, neftin qiymətinin dəyişməsi pensiya ödənişlərinə heç bir mənfi təsir göstərməyib: “2003-cü ildə Dövlət Sosial Müdafiə Fondunun büdcəsi 30 milyon manat təşkil edirdi. 2015-ci il DSMF proqnozlarında isə büdcənin 3 milyard 56 milyon olacağı gözlənilir. Bu da büdcənin 8 dəfə artımı deməkdir”.

DSMF şöbə müdiri qeyd edib ki, Azərbaycanda son on ildə orta aylıq pensiya dəfələrlə artıb: “2014-cü ildə pensiyaçıların orta aylıq göstəricisi 173,4 manat olub. Bu isə yoxsulluq səviyyəsindən 1,7 dəfə çoxdur”.