“Bakı Metropoliteni” QSC-də sərnişindaşımanın maya dəyəri aşağı düşüb.

Azerinfo.az Avropa.info-ya istinadən xəbər verir ki, bu barədə Dövlət Statistika Komitəsindən məlumat verilib.

Məlumata görə, 2014-cü ildə metroda sərnişindaşımanın maya dəyəri 46 qəpik olub. Bu da 2013-cü illə müqayisədə 7 qəpik azdır. Bakı metrosunda gediş haqqı isə maya dəyərindən 2,3 dəfə az – 20 qəpik olduğundan QSC təbii olaraq yenə ziyana işləyib.

Belə ki, ötən il sərnişinlərin daşınmasına təxminən 100 milyon manat xərc çəkilib. Bu isə, metronun əldə etdiyi gəlirdən təxminən 2,5 dəfə çoxdur. Ziyanın bir hissəsi dövlət büdcəsindən ayrılmış dotasiya hesabına ödənilib.