BDU-nun dekan müavini: "Tələbənin həbs edilməsini istəyirəm"

Güllələnən icra başçısının qızına da Şuşada ev verildi - FOTO

Prezident İlham Əliyev Qarabağda möhtəşəm tunelin açılışını etdi: qürurverici GÖRÜNTÜLƏR

Prezident İlham Əliyev Əhmədbəyli-Füzuli-Şuşa avtomobil yolunda görülən işlərlə tanış olub

Prezidentdən Heydər Əliyevlə bağlı paylaşım

Ümummilli Lider Heydər Əliyevin anadan olmasının 101-ci ildönümüdür

İlham Əliyev və Mehriban Əliyeva Həzi Aslanovun məzarını ziyarət ediblər

Prezident onları təltif etdi - FOTO

Ermənistanda hərbi qiyam və çevriliş ssenarisi önə çıxır: Qarabağ klanı ordunu İrəvanın "işğal"ına çağırır

BDU-nun dekan müavini: "Tələbənin həbs edilməsini istəyirəm"

Sosial

Oxunub: 516

8 yan 2018 | 19:06

BDU-nun dekan müavini: "Tələbənin həbs edilməsini istəyirəm"

Bu gün Apellyasiya Məhkəməsində Bakı Dövlət Universitetinin (BDU) İlahiyyat fakültəsinin dekan müavini, dosent Nigar İsmayılzadənin həmin fakültənin 4-cü kurs tələbəsi Zəka Mirağayevin barəsində xüsusi ittiham qaydasında verdiyi şikayət üzrə qərardan verilən apellyasiya şikayəti üzrə məhkəmə iclası davam etdirilib.

"Report"un məlumatına görə, hakim Həsən Əhmədovun sədrliyi ilə keçirilən prosesdə dekan müavininin vəkili Kamandar Nəsibov çıxış edib. O, tələbənin cəzasının ağırlaşdırılmasını tələbi edib. K.Nəsibov bildirib ki, verilən cəza çox yüngüldür: "Zəka Mirağayev müvəkkilimi rüşvət almaqda ittiham edib, amma ortaya heç bir fakt qoymayıb. Onun həbs edilməsini istəyirəm". N.İsmayılzadə də vəkili ilə razılaşdığını deyib. Daha sonra Z.Mirağayevin vəkili Elçin Sadıqov çıxış edib. O qeyd edib ki, xüsusi ittihamçının məhkəməyə təqdim etdiyi materiallarda N.İsmayılzadənin ünvanına birbaşa ittiham yoxdur. Məhkəmədən xahiş edirəm ki, Yasamal Rayon Məhkəməsinin hökmü ləğv edilsin, müvəkkilimin barəsində bəraət verililsin". Z.Mirağayev də vəkili ilə razı olduğunu söyləyib. Məhkəmənin növbəti iclası yanvarın 12-nə təyin edilib.

Qeyd edək ki, BDU-un İlahiyyat fakültəsinin dekan müavini, dosent N.İsmayılzadə Yasamal Rayon Məhkəməsinə müraciət edərək həmin fakültənin 4-cü kurs tələbəsi Z.Mirağayevin Cinayət Məcəlləsinin (CM) 147.2-ci (böhtan, ağır və ya xüsusilə ağır cinayətdə ittiham etməklə böhtan atma) maddəsi ilə nəzərdə tutulmuş qaydada məsuliyyətə cəlb edilməsini istəyir. O, məhkəməyə müraciətində göstərib ki, Z.Mirağayev ona böhtan atıb, ağır cinayət törətməkdə ittiham edərək təhqir edib. Dekan müavininin iddia ərizəsinə əsasən, bir müddət öncə KİV-də onun haqqında bir neçə məqalə dərc olunub. Həmin məqalələrdə N.İsmayılzadə özünün ünvanına təhqiredici ifadələr və böhtan xarakterli məlumatlar əks etdirildiyini deyib. Məhkəmə iclasında N.İsmayılzadənin vəkilləri Kamandar Nəsibov və Sadiq Rəsulov iddia ərizəsinə əlavəni məhkəməyə təqdim edib. Belə ki, dekan müavini tələbənin CM-nin 148-ci (təhqir) maddəsi ilə də cəzalandırılmasını istəyir.

İddia əlavə icraata qəbul olunub. Yasamal Rayon Məhkəməsində hakim Azər Tağıyevin sədrliyi ilə keçirilən prosesdə elan olunub ki, Z.Mirağayev Azərbaycanı tərk etdiyi üçün onun barəsində axtarış verilib. Qərarın icrası Yasamal Rayon Polis İdarəsinə həvalə olunub. Məhkəmə müvəqqəti olaraq cinayət işinin icraatını dayandırıb. Bir müddət sonra isə Z.Mirağayev özü Azərbaycana geri qayıdıb. Məhkəmənin hökmü ilə Z.Mirağayevin aylıq əməkhaqqısının 15 faizi dövlət nəfinə tutulmaqla o, 1 il islah işləri cəzasına cəlb edilib. Hökmdən narazı qalan hər iki tərəf apellyasiya şikayəti verib.