Binəqədi rayonu ərazisində yerli sakinlər yolu bağlayıb.

AzNews.az xəbər verir ki, hadisə Zərifə Əliyeva parkının qarşısında baş verib. Ərazidə yaşayan qadınlar aksiya keçirərək yolu bağlayıblar.

Ərazidə xeyli sayda insan toplaşıb.
Binəqədi Rayon Polis İdarəsinin 7-ci polis bölməsindən bildiriblər ki, polis aksiyanın qarşısını alıb.
Məlumatda deyilir ki, Zərifə Əliyeva adına parkın qarşısındakı avtomobil yolu hərəkət üçün açılıb.

Qeyd edək ki, bir az öncə həmin ərazidə bir qrup yerli sakin etiraz aksiyası keçirib. Əsasən qadınların iştirak etdiyi aksiyanın hansı səbəbdən baş verdiyi məlum deyil