Mənim bu hәrәkәtdә mәqsәdim cәddimin ümmәtini islаh etmək, yaxşı işlərə dəvət və pis işlərdən çəkindirməkdir

Aşura qiyamı İslam tarixinin böyük hadisələrindən biridir. Bu hadisənin müsəlmanların səadəti və eləcə də, digər xalqların haqq yolunun işıqlandırılmasında çox mühüm və həlledici rolu olmuşdur. Bu adi bir faciə deyil, tarixin olduqca dəyərli və önəmli bir hadisəsidir. Onun bir daha yad edilib xatırlanmasının, ictimaiyyətimizin qarşılaşdığı gərgin problemlərin həllində özünəməxsus rolu vardır.

Bu hadisəyə diqqətlə baxdıqda, Mədinədən çıxıb Məkkəyə gəldiyi və Kərbəlada şəhadət şərbətini içdiyi zamana qədər İmam Hüseynin hərəkətində bəlkə də yüzdən artıq mühüm dərs saymaq olar. Bu hərəkətdə hətta minlərlə dərs olduğunu deyə bilərik. Demək olar ki, o həzrətin hər bir işarəsi bir dərsdir. Amma dəqiq bölgü aparsaq, hər biri bir ümmət, bir tarix, bir ölkə, insanın öz tərbiyəsi, cəmiyyətin idarəsi və Allaha yaxınlaşmaq üçün dərs olan yüz mövzu və başlıq əldə etmək olar. İmam Hüseyn (ə) məhz buna görə dünya müqəddəsləri arasında günəş kimi nur saçır. Əgər peyğəmbərlər, övliyalar, imamlar, şəhidlər və saleh adamlar ay və ulduz kimi olsalar, bu həzrət dünyaya nur saçan günəş kimi parlayır. İmam Hüeseynin məqsədi din vacibləri arasında böyük bir əməli yerinə yetirmək idi. Bu işin İslamın düşüncə, dəyər və əməl sistemində mühüm yeri vardı .

İmam Hüseyn Məkkədən xaric olanda qardaşı Məhəmməd Hənəfiyyəyə məktub yazır.

Orada Allahın birliyinə və digər məsələlərə şəhadətdən sonra deyilir: “Mәn nә аzğınlığа, nә təkəbbürlülüyə, nә dә fәsаd vә zülm törәtmәyә görә qiyam edirəm. Mənim bu hәrәkәtdә mәqsәdim cәddimin ümmәtini islаh etmək, yaxşı işlərə dəvət və pis işlərdən çəkindirməkdir. Mәn cәddimin vә аtаmın yolu ilә gеtmәk istәyirәm“.

Xatırladaq ki, bu il Məhərrəm ayı oktyabrın 3-ü daxil olacaq.

Oktyabrın 12-də isə Məhərrəm ayının 10-cu günü, Aşura qeyd olunacaq.

Məhərrəm ayının başlanması ilə əlaqədar olaraq, Qafqaz Müsəlmanları İdarəsi Qazilər Şurası tərəfindən fətva veriləcək.