5 saylı doğum evində “dağ boyda” rəzalət

Prezidentin sosial şəbəkə hesablarında Dövlət Suverenliyi Günü ilə bağlı videoçarx paylaşılıb - Video

Azərbaycanda Dövlət Suverenliyi Günüdür

Azərbaycan lideri xanımı ilə ziyarətgahda - Fotolar

İlham Əliyev TDT TŞ rəhbərlərini qəbul etdi

İlham Əliyev açılışda iştirak edib - FOTOLAR

Süni intellektin tətbiqi genişləndirilməlidir - İlham Əliyev

Prezident icra başçısını vəzifədən AZAD ETDİ

Prezident Hakan Fidanı qəbul etdi - Foto

5 saylı doğum evində “dağ boyda” rəzalət - İTTİHAM VAR

Sosial

Oxunub: 1 258

11 avq 2016 | 08:16

5 saylı doğum evində “dağ boyda” rəzalət - İTTİHAM VAR

Bakının Səbayel rayonundakı Ş.Ələsgərova adına 5 saylı kliniki doğum evində baş alıb gedən biabırçı olaylardan ara-sıra mətbuatda bəhs olunur. Səhiyyə Nazirliyindəki səlahiyyət sahibləri bu biabırçılıqları törədənlərin cəzalandırılması istiqamətində hansısa bir əməli fəaliyyət göstərmiş olsaydı,yəqin ki, digərlərinə də görk olası nəticələr ortaya çıxardı. Doğum evindəki “dağ boyda” açıq alveri az qala normaya çevirmiş baş həkim deyəsən, səhiyyə nazirinin zaman-zaman səslənən acı etiraflarından hələlik nəticə çıxarmaq fikrində deyil. Korrupsiyaya qarşı bütün ölkə miqyasında mübarizə aparıldığı bir dövrdə doğum evində gineqoloqdan tutmuş tibb bacısınadək əksər dəhiyyə işçiləri rüşvətin girovuna çevrilmiş kimi görünür. Analıq haqqına sahib çıxacaq qadınlarımıza açıq-aydın "haq" qoyan doğum evinin ginekoloqları həkimlikdən daha çox qəssablığa yaraşan əməllərə rəvac verir. Doğum evində ana olmağa gələnlərin sevinci 800-1000 manat civarında ölçülür. Pul tələbləri isə demək olar ki, tam leqal şəraitdə xəstələrin yaxınları qarşısında rus demiş, "rebrom", yəni qətiyyətlə qoyulur. Ginekoloqlar burada sanki dədəsinin idarəsində xəstələrə xidmət göstərmiş kimi özlərini aparır. Qəribədir ki, analar doğum evində nə qədər çox qalırsa, bir o qədər "sutoçnı" ödəyir.Burada özəl səhiyyənin bütün formatda özü də eybəcər simada qadınlarımızın halal haqqını mənimsəmək cəhdləri yetərincədir. Apardığımız müşahidələrdən aydın oldu ki, buradakı bəzi qəssabsifət həkimlərin xofu qarşısında “şirinlik” ödəmək məcburiyyətində qalan valideynləri körpəsinin taleyi daha çox narahat edir. 5 saylı kliniki doğum evində hökm sürən belə mənzərə nədənsə, səhiyyə nazirinin diqqətindən kənarda qalıb. Ümumiyyətlə, Səhiyyə Nazirliyinin ginekolodiya sahəsində gördüyü tədbirlər gülünc və mahiyyətcə yetərsizdir. Belə ki, nazirlik səvyyəsində cəzalandırldığı və tutduğu vəzifədən azad edildiyi bildirilən bəzi rüşvətxor baş həkimlər çox qısa zamandan sonra başqa bir mühüm vəzfəyə asanlıqla təyinat ala bilirlər. Bunun səbəbləri bizə aydın deyil. Əsas vəzifəsi dünyaya pulsuz-parasız insan gətirmək olan tibb ocağından rüşvətin yığışdırılması əlbəttə, həmdə paytaxt səhiyyəsi rəhbərliyinin də işgüzar nüfuzuna xidmət edərdi. Səhiyyəmizin bazar mahiyətini səhiyyə naziri Oqtay Şirəliyevlə birlikdə dəyişməyə isə tələsməliyik.