“Gürcüstan Daxili İşlər Nazirliyi və xüsusi xidmət orqanları Borçalıda və Tiflisdə fəaliyyət göstərən Qarapapaq və Azərbaycan türklərinin ictimai-siyasi xadimlərinə qarşı saxtalaşdırılmış ittihamlar əsasında siyasi represiyalar hazırlayırlar”. Bu barədə Azerinfo.az-a açıqlamasında Vaşinqtonda, Amerika Qarapapaq Türkləri İttifaqının (AQTİ) sədri Navid Soltanı bildirib. Onun sözlərinə görə, Gürcüstan Daxili İşlər Nazirliyi Daşqın Gülməmmədov, Əlibala Əsgərov, Əli Babayev və Parlamentin deputatı, müxalifətçi Azər Süleymanov haqqında saxta ittihamlar əsasında cinayət işləri tərtib edib: “Biz bu barədə təcili hesabat hazırlayaraq, opertaiv sürətdə ABŞ Dövlət Departamentinə və Senatın bir neçə üzvünə təqdim etmişik. Biz Gürcüstan DİN-nin Qarapapaq və Azərbaycan türklərinin ictima-siyasi xadimlərinə qarşı represiyalar həyata keçirmək niyyətinə gözümüzü yuma bilmərik. “Gürcüstan prezidenti və Baş naziri bu məsələyə aydınlıq gətirməlidirlər. Bizi ən çox narahat edən məsələ isə Qarapapaq türklərinin liderlərindən biri olan Daşqın Gülməmmədova qarşı siyasi təqibin davam etməsidir. Mən yenə rəsmi surətdə bildiriəm ki, Gürcüstan xüsusi xidmət orqanlarında Daşqın Gülməmmədovu fiziki cəhətdən məhv etmək fikrinə düşən adamların olduğunu bildirirəm. Ancaq Gürcüstan rəsmi dairələri bilməlidirlər ki, Daşqın Gülməmmədov və digər ictimai-siyasi xadimlərə qarşı aqressiya yığışdırılmasa, siyasi represiylara yol verilsə, bu həm Vaşinqtonda, həm Türkiyədə, həm də Azərbaycanda geniş skandala yol aça bilər. Əminəm ki, Gürcüstan prezidenti və baş naziri Borçalıda hazırlanan siyasi represiyalardan xəbərdar deyillər. Bu məsələlərdə onların təcili müdaxiləsinə ehtiyac var”.



Gülçin