İlqar Altay: “Media etiraz aksiyası özünün intelektual, qeyri aqressiv və sivil metodu ilə fərqlənir”


“Media etiraz aksiyası” müasir sivil dünyada ən mədəni və təsirli vasitələrdəndir”. Bunu Azərinfo.az-a açıqlamasında politoloq İlqar Altay ötən gün Avropa Parlamentinin qondarma erməni soyqrımını tanımasına etiraz olaraq Beynəlxalq Media və Araşdırmalar Mərkəzinin “Media etiraz aksiyası”na start verməsinin nə qədər effektli ola biləcəyi ilə bağlı danışarkən deyib. Onun sözlərinə görə, əvvəla media etiraz aksiyası özünün intelektual, qeyri aqressiv və sivil metodu ilə fərqlənir: “Saxta "soyqırım" şousunu Qərb dünyasının sadə dinc insanlarının göündə ifşa etmək ücün bu cür, beyinlərə rahat dinc təsir vasitələri hay-küylü sərt vasitələrdən daha effektlidir. İkincisi, medianin öz etirazını, erməni "soyqırım"ının yalan olduğunu izah etmək və bunu bütün dünyaya yaymaq imkanı böyükdür. Belə ki, bir ölkənin media təşkilatının başqa ölkələrin media orqanlarına çıxış imkanı təbii ki, digər ictimai qeyri-hökumət təşkilatları imkanından daha çoxdur. İndiki dövrdə həqiqətləri dünyaya çatdırmaq yolu isə medianın, yəni Kütləvi İnformasiya Vasitələrinin əlindədir. Bu baxımdan, ermənilərin qardaş Türkiyəyə qarşı "soyqırım" şousuna oyan Avropa Parlamentinin yanlış qərarına Beynelxalq Media və Araşdırmalar Mərkəzinin etiraz aksiyası addımını effektli hesab edirəm”.



Gülçin