Avropa Parlamentinin qondarma erməni soyqırımı ilə bağlı verdiyi qərara Azərbaycanda da etirazlara səbəb olub.

"Hafta.az-ın debatı" rubrikasında məsələ ilə bağlı Böyük Qurtuluş Partiyasının sədri, millət vəkili Fazil Mustafanın və Müsavat Partiyasının başqanın Arif Hacılının məsələ ilə bağlı mövqelərini təqdim edirik:

Qurumun qərarını ədalətsiz hesab edən Fazil Mustafa qərarı gözlənilən adlandırıb:

“Ancaq bu qərarı qəbul edən avropalı axmaqlar Rusiya ilə problemlərin çözülmədiyi bir vaxtda yeni cəbhə açmağı özlərinə uyğun gördülərsə, indi Türkiyənin alacağı qərar çox daşları yerinə oturda bilər. Ancaq Türkiyənin də sağlam və rasional qərar alacağını gözləmək bir qədər çətind. Türkiyədəki yönətici qardaşlarımıza üz tutub demək istəyirsən ki, bəylər, erməniləri boynunuzda oturtmaq siyasətiniz iflasa uğradı, kənarda hamı öz qərarını verib, populist çıxışlarla bu qərarı dəyişmək olmaz. Hətta Roma Papasının pedofil dəstəsi də Türkiyəyə gəlib ermənilərin yağ-bal içərisində yaşadığı vəziyyəti görəndən sonra fikir dəyişməyibsə, izafi izahatlara ehtiyac qalmır. İndi birinci addım kimi, başlayın addım-addım qeyri-qanuni miqrasiya etmiş erməniləri ölkədən çıxartmağa. Xocalı hadisələrinə "qətliam" deyib aradan çıxmayın. Birbaşa Parlamentdə sıyqırım kimi tanıyın. Sərhədlərin bundan sonra açılmasının mümkün olmayacağını bəyan edin və sairə. Biz də bu addımları, siyasəti cani-könüldən dəstəkləyək”.

Musavat Partiyasının başqanı Arif Hacılı isə bildirib ki, Avropa Parlamentinin "erməni soyqırımı"ilə bağlı qərarı elmi, tarixi baxımdan yanlış, siyasi baxımdan çox zərərlidir:

“Bu qərar Avropa Birliyinin nüfuzuna sarsıdıcı zərbədir.Ermənistanın bu günki işğalçılıq siyasətinə dolayısı ilə haqq qazandırmaqla yanaşı,Qarabağ probleminin diplomatık üsullarla həlli yolunda daha bir maneə yaradır.İndiki həssas məqamda konfessiyalararası etimadı azaldır. Avtoritar rejimlərin qərbin ikili standartlar tədbiq etdiyi barədə təbliğatına əsas verir.Avropa Parlamentinin bu qərarı həm də təhlükəsiz dünya, dincyanaşı yaşama, tolerantlıq kimi zəruri dəyərlərin inkişafına zərbədir”.