“Meliorasiya və Su Təsərrüfatı ASC-nin Kənd Təsərrüfatı Nazirliyinə, Dövlət Qulluğu Məsələləri Komissiyasının Tələbə Qəbulu üzrə Dövlət Komissiyasına birləşdirilməsi əhəmiyyətli olardı”.

Azerinfo.az Axar.az-a istinadən xəbər verir ki, bu sözləri millət vəkili Zahid Oruc Milli Məclisin bu gün keçirilən plenar iclasında səsləndirib. Ölkə başçısının son günlər apardığı islahatları çox yüksək dəyərləndirdiyini deyən Z.Oruc həmçinin Standartlaşdırma, Meterologiya və Patent üzrə Dövlət Komitəsinin İqtisadiyyat və Sənayə Nazirliyinə birləşdirilməsinin də məqsədəuyğun olduğunu vurğulayıb:

“Bu o demək deyil ki, həmin qurumlar birləşdirilərsə, işçilər ixtisara salınacaq, ştatlar ləğv olunacaq. Onlar öz ixtisaslarına görə işlə təmin olacaqlar”.

Spiker Oqtay Əsədov isə deputata replika ilə cavab verib:

“Siz həm deyirsiniz ki, bu işlər prezident tərəfindən həyata keçirilir, həm də özünüz həmin işləri burada müəyyənləşdirirsiniz”.