Amerikada yaşayan keçmiş teleaparıcı Günel Musəvinin sosial şəbəkədə çəkdiridyi foto, müzakirəyə səbəb olub. Teleaparıcının eynicinslilərin rəmzi olan, bayraq rənglərinin əks olunduğu pilləkəndə çəkdirdiyi şəkil, sosial şəbəkədə bir mənalı qarşılanmayıb. Biz də bu mövzu ilə bağlı Günəl Musəvi ilə əlaqə saxlayıb, fikrini soruşduq

“Artıq 1970-ci ildən Amerikada eynicinsli insanların evliliyinin qanuni olaraq rəsmiləşdirmək barədə müzakirələr gedir. Son 13 il bu mövzu daha böyük məsələyə çevrilib. Bu illər ərzində 2-3 ştatda LGBT üzvlərinə rəsmi olaraq, evlənməyə icazə verilmişdi, onlardan ən birincisi Masachuses ştatı, daha sonra Main, Washington, Maryland, New York ştatları bu qanunu qəbul edib. İki gün əvvəl bu qanun Amerika Birləşmiş Ştatlarında mövcud olan, hər 50 ştat üçün rəsmi olaraq geçərli oldu. Mən düşünürəm ki, hər bir vətəndaşın seçimindən, cəmiyyətdə tutduğu yerdən asılı olmayaraq buna haqqı var. Bir insan xoşbəxtliyi öz cinsindən olan biri ilə evlilikdə görürsə, yaşadığımız dövürdə fakt olaraq 21 əsirdə, artıq bunu qəbul etmək lazımdır. Mən anlamıram Azərbaycanda Amerikada çıxan bu qanun, niyə bu qədər səs-küyə səbəb olub? Gay marriage / gey evliliyi pedofilliya deyil. Amma 13 yaşında qızı məcbur öz dayısı yaşında biri ilə evləndirmək tər-təmiz pedofillikdir. Cəmiyyətdə “təki ərə gedim, hamının ağzı yumulsun”- lozunqu ilə ailə quran insanlar, şəxsiyyət olaraq cəmiyyətdə dustaq olurlar. Məncə Azərbaycanda Amerikada qanuna daxil olunan “gay marriage” əvəzinə, yuxarıda söz açdığım mövzuları müzakirəyə çıxardıb, onun həllini tapmağa çalışsalar, cəmiyyətə daha böyük xeyir verərlər. Geyler öz həyatını yaşamağa haqq qazanmalıdılar. Onlar xəstə deyil, sadəcə bizdən fərqli seçimləri var, bu isə onları bizdən pis və ya bizləri onlardan yaxşı bir insan etmir. Mənə deyirlər, “Sənin övladın yoxdur, ona görə elə rahat bu qanun barədə danışırsan”- amma gələcəkdə mənim övladım olsa, mən onu sex həyatına görə sevməyəcəm, mən onu oğlum və ya qızım – övladım olduğu üçün qəbul edəcəm.
FaceBookda paylaşdığım şəkili İstanbulda çəkmişəm. Öncədən bilirdim onu LGBT hərəkatına həsr ediblər, amma mən sadəcə olaraq rəngarəng olduğu üçün orda şəkil çəkdirmişəm. Yəni orda bir məqsəd və ya mesaj yoxdur. Sadəcə bir rəsmdir./Show.az