Çox nadir filmlər var ki, onlara dəfələrlə baxsan da, yorulmursan, üstəlik, hər dəfəsində inanılmaz zövq alırsan. Məsələn, Adriano Çelentano ilə Ornella Mutinin baş rollarda oynadığı "İnadkarın ram edilməsi" baxdıqca doymaq bilmədiyimiz filmlərdən biridir

Filmin əsas qəhrəmanı - Elia qırx yaşlı özündən çox əmin olan subay, qadınlara kobud münasibət bəsləyən fermerdir. Amma bu, bütün heyvanlara olan sevgisinə mane olmur. Yağışlı bir gecədə onun evinin qapısını Liza Silvestri adlı gözəl qız döyür, gecələməyə Eliadan xahiş edir.

Evində heç kəsin yaşamadığı ilə maraqlanan Liza Eliaya vurulur və onun inadkarlığını ram etməyə çalışır. Fermerin çətin xarakteri, qəribəliyi təcrübəli və ərköyün şəhərli Lizanın çox xoşuna gəlir. Əvvəlcə Elia Lizanın gözəlliyinə biganə olur, amma sonda hissləri inadkarlığına qalib gəlir. Publika.az bu maraqlı filmdən ən yadda qalan sitatları təqdim edir:

***
- Siz, deyəsən, heyvanları çox sevirsiniz.
- Sevirəm.
- Bəs insanları?
- Dözürəm, amma çox yox.

***
Başa düş, məsələ səndə deyil, məndədir. Mən idealam, sən isə - adi.

***
İdeal insanı axtarmayın. Bu gün mən evdəyəm.

***
- Ya mən dediyim kimi edəcəyik!
- Ya da?
- Ya da necə demişdimsə, elə də edəcəyik!

***
- Sən məni sevirsən?
- Bəli!
- Nə qədər?
- Ölümünə qədər!
- Mən çox fikirləşirdim.

***
- Mən səni sevirəm!
- Təşəkkür edirəm.

***
- Mən səni sevirəm!
- Afərin.
- Bəs, sən?
- Mənə də afərin.

***
- Mən sənin dəli, qanmaz, qadın düşməni, ədəbsiz və tərbiyəsiz olduğunu demək üçün qayıtdım.
- Bundan başqa?
- Üstəlik, sən lovğasan da.
- Aydındır. Sən mənə aşiq olmusan.

***
- Saat neçədir?
- Saatım yoxdur.
- Saatınız olsaydı, onda saat neçə olardı?

***
- Mən yalnız səninlə olmaq istəyirəm!
- Bəs, problem nədədir?
- Qalanları ilə nə edim?

***
Məni sevənlərin olmasını sevirəm. Bu, mənim çox xoşuma gəlir. Əla şeydir. Ümumiyyətlə, hamıya təkcə məni sevməyi tövsiyə edirəm.

***
- Mənim istirahət günlərimi necə keçirəcəyim səni niyə belə çox maraqlandırır?
- Düşünürəm ki, hara gedim ki, səninlə qarşılaşmayım.

***
- Bilirsən, insanlarda necə maraq oyatmaq olar?
- Necə?
- Sabah deyərəm.

***
- Əzizim, biz üç ildir danışırıq, amma sən bütün bu müddət ərzində yalnız iki dəfə mənə birinci özün telefonla zəng vurmusan.
- Razıyam, son vaxtlar mən özümdə deyiləm.

***
- Mənə diqqət və qulluq lazımdır!
- Diqqət, mən gedirəm.

***
Fikirləşirdim ki, onsuz nəfəs ala bilmirəm... Sən demə, zökəm, imiş.

***
Mən səninlə mütləq evlənəcəyəm, uzağı zəngləşərik.

***
- Sən nə vaxtsa məni itirməkdən qorxmusan?
- Əlbəttə! Bir dəfə biz avtobusa minmişdik. Mən düşdüm, səndə isə qatar bileti idi.

***
- Sən həqiqətən də beləsən, yoxsa yalandan özünü belə göstərirsən?
- Mən beləyəm. Həm də özümü belə göstərirəm.

***
- Sən bazar ertəsi 5-də boşsan?
- Bəli!
- Heyf, mən məşğulam.

***
Əgər mənə sənin haqqında düşünmək üçün hər dəfə bir dollar versələr, mən sənin haqqında düşünməyə başlayaram.

***
- Neçə yaşınız var?
- Yadımda deyil
- Mən daha az yaş verərdim!

***
- İcazənizlə, özümü təqdim edərəm. Mənim adım...
- Bununla da bitiririk. Yaddaşımı yükləmək istəmirəm.

***
- Sən hələ mənim kostyumum barədə heç nə deməmisən.
- Mən nə isə deməliydim ki?
- Tutaq ki, mən onu sənin üçün geyinmişəm. Sənin xoşuna gəlir, ya gəlmir? Öz fikrini söylə!
- Amma sən dünən də o geyimdə idim.
- Yox, dünən başqa paltar idi. Bu gün mən “Valentino”-dan geyinmişəm.
- Valentino? Mən elə bilirdim ki, sənin özününküdür.

***
- Mənə ərə gəl.
- Ərə gedəcəyim kişi cəsur və ağıllı olmalıdır!
- Deyəsən, qayıqda batanda səni kimin xilas etdiyini unutmusan?
- Hə, sən cəsursan, amma bu, hələ o demək deyil ki, sən ağıllısan.
- Necə bilirsən, onda qayığı kim aşırmışdı?

***
Sən elə mehriban, gülərüz, sevimlisən ki... Əsl parazitsən!

***
O, mənə baxdı, sonra öz oğlanına baxdı, sonra yenə mənə baxdı, sonra keçmiş sevgilisinə baxdı.