Soyuqdur sənə
Hiss edirəm
Bilirəm, güləcəksən
Bu yaz günü soyuq mu olar?
Ehh...
Anlamırsan, gülüşünlə sevindiyim...
Anlamazsan hələ məni
Yaşım kiçik,
Zaman sənə kiçik əslində.
Mən soyuğu anlayacaq ilk şəxsəm gülüşünlə sevindiyim...
Bir səhra istisində
soyuqqanlılığından donan mən idim əslində.
Və bir qış günü
incə toxumalı jaketimlə küçələrdə dolaşdığımda
dilənçi qadının "Üşüyürsənmi?" sualına verə bilmədiyim
Cavabımsan sən mənim
Gülüşünlə sevindiyim...
Sən hələ anlamazsan həyatımda nə rol oynadığını
Sən də yaşayacaqsanmı, bilmirəm amma,
Mən sən "bitdikdən" sonra
nə kitab oxudum,
nə qəhvə içdim.
İnanmazsan, bilirəm
Amma mən pul kisəmi
sayını bilmədiyim dəftər-qələmlə əvəz etdim
Evimizin yanındakı köşkdə.
Həmişə şəxsi otağım olmadığı,
Rahat kitab oxuya bilmədiyim,
Səs-küy olduğu üçün şikayətlənirdim ha...
İndi heç səs duymuram ən böyük qalabalıqda
Və dəftər-qələmlə ailəmdən daha çox ünsiyyətdə oluram.
Əgər bir gün yazılarımı oxusan,
Bildirmək istəyərəm ki,
Heç bir zaman "lazımsızam" demə.
Bir "lazımsız" üzündən məhv olacaq bir həyatım yox idi mənim...
Gülüşünə sevindiyim...

ZƏRİNTAC RƏNCİBƏR

http://resmixeber.az/