Narkotik vasitələrin qanunsuz dövriyyəsinə qarşı mübarizə tədbirləri davam etdirilir. Göyçay polisi bir neçə əməliyyatla “ağ ölüm” daşıyıcılarını zərərsizləşdirməyə müvəffəq olub.

Göyçay rayonunda narkotik vasitələrin qanunsuz saxlanılması və satışı ilə məşğul olan şəxslər tutulublar. Bir neçə uğurlu əməliyyat keçirilib. Rayon Polis Şöbəsi əməkdaşları Ucar rayon sakini, 22 yaşlı Kənan Hacızadəni Göyçaq ərazisində şübhəli şəxs qismində saxlayıblar. Onun üzərinə baxış keçirilərkən ümumi çəkisi 7.86 qram olan qurudulmuş marixuana aşkar edilərək götürülüb. Ucar rayonu Qarabörk kənd sakini Əli Şıxəliyevin cibindən isə satış məqsədilə saxladığı 7.05 qram qurudulmuş marixuana tapılıb. Şəxsə məxsus “Mersedes” markalı minik avtomobilində də çəkisi 24.87 qram olan marixuana aşkar edilib. Bundan başqa, polis əməkdaşları Göyçay rayonunun Ərəbcəbirli kənd sakinləri Qüdrət Rzayevdən çəkisi 8,19 qram, Alim Abdullayevdən isə satış məqsədilə saxladığı 9,08 qram qurudulmuş marixunanı götürüblər. Saxlanılan şəxslər istintaqa təhvil veriliblər.

Faktlarla bağlı cinayət işi açılıb, araşdırmalar davam etdirilir.

http://kepeztv.az