Tüfəng, skripka, pul, qızıl, şuba, televizor və digər əşyaları oğurlayıblar.

Lənkəran polisi rayon sakinlərinin evlərindən oğurluq edən dəstəni saxlayıb. Bunlar Şükürzadə Əli Tərlan Oğlu, Cəfərov Qədir zahir oğlu, Kərimli Ruslan Söhbət oğlu, İbrahimov Rövşən Əli oğlu, Quluzadə Vüsal Elman oğlu və Rəhimov Kamran Əliqulu oğludur.

Onlar ayrı –ayrı vaxtlarda Şükürov İlham şirəli oğluna, Şükürov Əfqan Əhməd oğluna, Abdullayev İlqar Fikrət oğluna məxsus fərdi yaşayış evinə gizli yolla daxil olaraq oradan oğurluq ediblər. Şükürov Möhübbət Şirəli oğluna məxsus evi isə ayrı-ayrı vaxtlarda düz 3 dəfə qarət ediblər.
Daxil olduqları evlərdən qızıl-zinət əşyaları, pul, skripka, vinçester markalı tüfəng, qadın şubaları, televizor və digər əşyaları aparıblar. Bundan başqa onlar Lənkəran rayon Sütəmurdov kəndindəki poçt filialına və pivə zavoduna məxsus inzibati binaya da daxil olaraq oradan pul oğurlayıblar.
Ümumilikdə vətəndaşlara 137 min manat dəyərində ziyan vurublar. Onların əsasən sahibinin hazırda başqa yerdə yaşadığı evləri hədəf seçdiyi bildirilir.

Adıçəkilən şəxslər barəsində 4 ay müddətində həbs qəti imkan tədbiri seçilib.

Region TV